Իրանի պատրաստակամությունը Հայաստան աշխատուժ ուղարկելու համար
Իրանի կոոպերացիայի, աշխատանքի և սոցիալական բարեկեցության նախարարությունը պատրաստ է գործարկել համատեղ տեխնիկական և արհեստագործական ուսումնարաններ և Հայաստան ուղարկել հմուտ մարզիչներ և հմուտ աշխատուժ։
Երեքշաբթի օրը ԻՌՆԱ-ի հաղորդման համաձայն, Իրանի կոոպերացիայի, աշխատանքի և սոցիալական բարեկեցության նախարար Սեյեդ Սոլաթ Մորթազավին ՀՀ կրթության, գիտության, մշակույթի և սպորտի նախարար Ժաննա Անդրեասյանի հետ հանդիպման ժամանակ կրթությունը շրջադարձային համարեց այլ երկրների հետ Իրանի հարաբերություններում և ասաց.«Իրանը ցանկալի դիրքում է գիտության արտադրության և երիտասարդների համար հմտությունների պատրաստման հարցում»։
Անդրադառնալով հմտության համաշխարհային մրցումներում բազում պատվոգրերի ու դիրքերի արժանանալու Իրանի հաջողություններին Մորթազավին շեշտել է.«Ամեն տարի ավելի քան մեկ միլիոն մարդ օգտվում է 13000 դպրոցներում տեխնիկական և մասնագիտական վերապատրաստումից, ինչը կարող է հմուտ և փորձագիտական աշխատուժի փոխանակման հնարավորություն լինել Հայաստանի հետ»։
Հանդիպման ժամանակ, ՀՀ կրթության, գիտության, մշակույթի և սպորտի նախարար Ժաննա Անդրեասյանն ասաց.«Հայաստանը լիովին պատրաստ է Իրանի Իսլամական Հանրապետության հետ մշակել և իրականացնել համատեղ կրթական ծրագրեր՝ հատկապես Սյունիք նահանգի տեխնիկական և մասնագիտական կրթության ոլորտում»։
Անդրեասյանը նաև ընդգծեց Իրանի և Հայաստանի միջև ենթակառուցվածքային համագործակցության զարգացումը և դասախոսների ու տեխնիկական և մասնագիտական վերապատրաստողների գիտելիքների բարձրացումը։
