Իրանահայ համայնքը ներկայացնող «Արարատ»-ը նվաճել է բասկետբոլի ազգային լիգայի փոխչեմպիոնի կոչումը
Մայիս 23, 2023 17:16 Asia/Tehran
Իրանահայ համայնքի ներկայացուցիչ՝ Հ.Մ. «Արարատ» կազմակերպության բասկետբոլի հավաքականն բասկետբոլի ազգային լիգայի եզրափակիչ փուլում նվաճել է փոխչեմպիոնի կոչումը:
Հ. Մ. «Արարատ» Կազմակերպության տղայոց բասկետբոլի հավաքականն ու «Աֆթաբ Մահգոլ Ալբորզ» թիմերը բասկետբոլի ազգային լիգայի եզրափակիչ փուլում վիճարկեցին չեմպիոնի կոչումը:
Արդյունքում «Արարատ»-ի տղաները զիջելով մրցակցին նվաճել են ազգային լիգայի փոխչեմպիոնի կոչումը:
Եզրափակիչ դուրս եկած երկու թիմերը ստացել են պրոֆեսիոնալ լիգայի հաջորդ մրցաշրջանին մասնակցելու ուղեգիր:
Իրանի Իսլամական խորհրդարանում Թեհրանի և հյուսիսային Իրանահայության պատգամավոր Արա Շահվերրդյանը ներկա է եղել եզրափակիչ խաղին և քաջալերել Արարատի բասկետբոլի հավաքականին։
