Քանանի. Ուկրաինայի կեղծ պնդումների կրկնությունն ուղղված է Արևմուտքից ավելի շատ զենք և ֆինանսական օգնություն ներգրավելուն
ԻԻՀ ԱԳՆ խոսնակը, ի պատասխան Ուկրաինայի նախագահի հակաիրանական պնդումների, ընդգծել է, որ Ուկրաինայի կեղծ պնդումների կրկնությունն ուղղված է Արևմուտքից ավելի շատ զենք և ֆինանսական օգնություն ներգրավելուն։
ԻՌՆԱ-ի հաղորդման համաձայն՝ ԱԳՆ խոսնակն ԻԻՀ դեմ Ուկրաինայի նախագահի հայտարարությունները որակել է որպես հասարակական կարծիքը շեղելու պրոեկցիա և քաղաքական դրամա՝ զուգորդված անհիմն պնդումներով և դրանք համարել է անարժեք։
Քանանին հավելել է. «ԻԻՀ միշտ հայտարարել է, որ դեմ է Ուկրաինայում պատերազմին և դրա շարունակմանը, և շատ ցավում է Ուկրաինայի ժողովրդի ցավի և տառապանքի համար և ընդգծում է որքան հնարավոր է շուտ դրան վերջ տալու համար քաղաքական լուծում գտնելու անհրաժեշտությունը, և անգամ պատրաստ է այդ ուղությամբ աջակցել»:
Քանանին ընդգծելով որ Իրանի դեմ ուղղված պնդումներն ու քաղաքական շոուները չեն փոխում ուկրաինական պատերազմի իրողությունները, մատնանշել է Իրանի պատրաստակամությունը՝ շարունակելու Ուկրաինայի հետ փորձագիտական բանակցությունները և հավելել է. «Ուկրաինական կողմի՝ պնդումները հետաքննելու նպատակով իրանական կողմի հետ փորձագիտական բանակցություններից խուսափելը հաստատում է դրանց անհիմն լինելը և հաստատում է Իրանի հասցեին նման մեղադրանքների հիմքում դրված կոնկրետ քաղաքական նպատակների ու շարժառիթների առկայությունը»։
