Իրանի ավտոմոբիլային արդյունաբերության բարգավաճումն ու արդիականացումը
Իրանի հարավում գտնվող Շիրազ քաղաքում,Ֆարս նահանգի միջազգային ցուցահանդեսների մշտական վայրում կայացել է 20-րդ միջազգային ավտոմոբիլային ցուցահանդեսը ՝ Իրանի ավտոմոբիլային արդյունաբերության և հարակից ոլորտներում գործող մոտ 15 պետական և մասնավոր ընկերությունների մասնակցությամբ:
Շիրազի ավտոմեքենաների ցուցահանդեսն իր որակով և քանակով համարվում է Իրանի ավտոարդյունաբերության կարևորագույն իրադարձությունը։
«Զամիադ» քաղաքային ավտոբուսը, իրանական ընկերությունների այլ ծանր մեքենաները, ինչպես նաև նորագույն արտադրության թեթև մեքենաները չորս օր շարունակ (2023թ. հունիսի 13-16) ցուցադրվել են Շիրազի միջազգային ցուցահանդեսում։
Այս ցուցահանդեսին ներկա էին նաև մի շարք չինական ավտոարտադրող ընկերություններ։
Ավտոմոբիլային արդյունաբերությունը և հարակից ոլորտները կազմում են իրանական և միջազգային տնտեսական հարաբերությունների լայն ցանց և կարևոր դեր են խաղում Իրանի տնտեսության բարգավաճման գործում:
Իրանական ավտոմոբիլային արդյունաբերության դասական և հին մեքենաների և արտասահմանյան մեքենաների ցուցադրությունը Շիրազի միջազգային ավտոմոբիլային ցուցահանդեսի գրավիչ մասն էր, որը մեծ ընդունելության արժանացավ մարդկանց և զբոսաշրջիկների կողմից:
