Թեհրանի հայոց թեմի առաջնորդը դատապարտել է Ղուրանի նկատմամբ ցուցաբերված անարգանքը

Այսօր առավոտյան Թեհրանի հայոց թեմի առաջնորդ Տ.Սեպուհ արք. Սրագսյանի նախագահությամբ Թեհրանի Ս.Սարգիս եկեղեցում մատուցվեց կիրակնօրյա Սրբ.Պատարագ: Սրբ. Պատարագի ընթացքում իր քարոզի ժամանակ ,թեմակալ առաջնորդը խստիվ դատապարտեց Սրբ.Ղուրանի դեմ ուղղված անարգանքը :

Սրբազան հայրը ընդգծեց,որ կրոնը նվիրական սրբություն է եւ կրոնական հավատալիքները նվիրական են :Սրբազան հայրը նշեց.-«Ով իրավունք  է տալիս, որևէ անպատասխանատու մարդու որպեսզի մի կրոնի սրբազան գիրքը այրի: Ճիշտ է թուղթը կայրե ,բայց բովանդակությունը չի կարող այրել: Ղուրանը որպես Աստվածային գիրք իր բովանդակությամբ հավիտենական է»: