Իրանի Իսլամական Հանրապետությունն ինքնաբավ է ցամաքային պաշտպանության ոլորտում.Գեներալ Քյումարս Հեյդարի
Իրանի Իսլամական Հանրապետության ռազմացամաքային զորքերի հրամանատարն ասել է. «Այս ուժը ինքնաբավության է հասել անհրաժեշտ մարտական տեխնիկայի ապահովման հարցում և ցամաքային պաշտպանության ցիկլում որևէ երկրի կարիքը չունի»։
Կիրակի օրը, «ԲԱՆԱԿ 2023» Ռուսաստանի միջազգային տեխնիկական-ռազմական ֆորումի ցուցահանդեսում Իրանի Իսլամական Հանրապետության տաղավար այցելության շրջանակում, Իրանի Իսլամական Հանրապետության ցամաքային զորքերի հրամանատար, բրիգադային գեներալ Քյումարս Հեյդարին IRNA-ին տված հարցազրույցում ասել է.«Իրանի Իսլամական Հանրապետության բանակի ցամաքային զորքերի կարիքները բավարարելու համար աշխատում է 23 ռազմական ճյուղ»:
Բրիգադային գեներալ Քյումարս Հեյդարին կիրակի օրը ժամանել է Ռուսաստան՝ այդ երկրի բանակի ցամաքային զորքերի հրամանատարի հրավերով և այցելել Մոսկվայի արվարձանում գտնվող «Պատրիոտ» այգում կայացած ռազմական միջազգային ցուցահանդես։
Իրանի Իսլամական Հանրապետության ցամաքային զորքերի հրամանատարը, ով ՌԴ ցամաքային զորքերի հրամանատար Օլեգ Սալյուկովի պաշտոնական հրավերով մեկնել է Մոսկվա, նրա հետ հանդիպումից բացի, կայցելի Ռուսաստանի որոշ ուսումնական, տեխնոլոգիական և օպերատիվ կենտրոններ:
Ռուսաստանի ռազմատեխնիկական միջազգային ցուցահանդեսը տեղի է ունեցել օգոստոսի 14-ից 20-ը Մոսկվայի արևմուտքում գտնվող Պատրիոտ պուրակում։
Իրանի Իսլամական Հանրապետության պաշտպանական և ռազմական արդյունաբերության ոլորտի ներկայացուցիչներն ակտիվ մասնակցություն են ունեցել Ռուսաստանում կայացած «Բանակ 2023» ցուցահանդեսին և ներկայացրել են Իրանի ռազմական և պաշտպանական արտադրանքի տարբեր մասեր:
