ԻԻՀ առաջնորդ. Եթե Գազայում հանցագործությունները չդադարեցվեն, Դիմադրությանը հնարավոր չէ կանգնեցնել
Իսլամական հեղափոխության մեծարգո առաջնորդն ասել է. -«Աշխարհի մուսուլման և նույնիսկ ոչ մուսուլման ժողովուրդները խիստ զայրացած են Ղոդսը բռնազավթած ռեժիմի ընթացող հանցագործություններից, և եթե այդ վայրագությունները շարունակվեն, աշխարհի մուսուլմանները և Դիմադրության ուժերը այլևս չեն համբերելու և ոչ ոք չի կարողանա կանգնեցնել նրանց»:
Իսլամական հեղափոխության գերապատիվ առաջնորդ՝ Այաթոլլահ Խամենեին երեքշաբթի օրը, Իրանի գիտական էլիտայի և այս ոլորտի տաղանդների հետ հանդիպման ժամանակ, անդրադառնալով Գազայի հատվածում Պաղեստինի ժողովրդին ցեղասպանության ենթարկելու Սիոնիստական ռեժիմի ոճրագործություններին,ընդգծել է ռմբակոծությունները դադարեցնելու անհրաժեշտությունը:
Այաթոլլահ Խամենեին Պաղեստինում ընթացող գործողությունները անվանել է Սիոնիստական ռեժիմի բացահայտ հանցագործություն և բացահայտ ցեղասպանություն ողջ աշխարհի աչքի առաջ և անդրադառնալով սիոնիստների գործողությունների քաղաքականություն մշակելու գործում ամերիկացիների շոշափելի դերին, ասել է. -«Իրանի Իսլամական Հանրապետության պաշտոնյաների հետ զրույցներում որոշ երկրների պաշտոնյաների առարկությունն այն է եղել, թե պաղեստինցիները ինչո՜ւ են սպանել խաղաղ բնակիչներին։ Այս հայտարարությունը չի համապատասխանում իրականությանը, քանի որ ավանների բնակիչները խաղաղ բնակիչներ չեն և զինված են, բայց նույնիսկ եթե ենթադրենք, որ նրանք խաղաղ բնակիչներ են, նրանցից քանի՞սն են սպանվել և քանի՞ պաղեստինցի խաղաղ բնակիչներ են նահատակվել այս օրերին»։
Այաթոլլահ Խամենեին հավելել է.-«Իսրայելի զավթիչ ռեժիմը այս մի քանի օրվա ընթացքում սպանել է հարյուրապատիկ թվով խաղաղ բնակիչներ,այդ թվում մի քանի հազար կանանց, երեխաների, ծերերի և երիտասարդների,և ռմբակոծելով բնակեցված կենտրոններն ու շենքերը, որոնք նա գիտի, որ խաղաղ բնակիչների բնակության վայրեր են, աշխարհի աչքի առաջ հանցագործություն է կատարում»:
Նշելով, որ Սիոնիստական օկուպանտ կառավարությունը պետք է անպայմանորեն պատասխանատվության ենթարկվի Պաղեստինի ճնշված ժողովրդի դեմ կատարած բազմաթիվ հանցագործությունների համար,մեծարգո առաջնորդը ԱՄՆ-ի կառավարությանը պատասխանատու է համարել օկուպանտ ռեժիմի վարած քաղաքականության համար և հավելել է.-«Բազմաթիվ տեղեկությունների համաձայն՝ Սիոնիստական ռեժիմի ներկայիս քաղաքականությունն այս օրերին ամերիկացիներն են մշակում և ԱՄՆ-ն, պատասխանատու է այս հարցում և պետք է ճանաչի իր պատասխանատվությունը»։
Այաթոլլահ Խամենեին, ընդգծելով, որ Գազայի հատվածի ռմբակոծումը պետք է անհապաղ դադարեցվի,ասել է,-«Իսլամական երկրներում մուսուլման ազգերի և նույնիսկ ԱՄՆ-ում և Եվրոպայում ոչ մուսուլմանների հանրահավաքները վկայում են Սիոնիստական ռեժիմի հանցագործությունների պատճառով ժողովուրդների լուրջ զայրույթի մասին»:
Գերապատիվ առաջնորդի խոսքով՝ եթե այդ հանցագործությունները շարունակվեն, աշխարհի մուսուլմանները և Դիմադրության ուժերը այլևս չեն համբերելու և ոչ ոք չի կարողանա կանգնեցնել նրանց:
Իսլամական հեղափոխության գերագույն առաջնորդը հավելել է.-«Իհարկե, ինչ էլ անի Սիոնիստական ռեժիմը, չի կարող հատուցել «Ալ-Աղսա փոթորիկ» գործողության ընթացքում կրած իր խայտառակ պարտությունը:
