Իրանն աջակցում է Իսլամական համագործակցության կազմակերպության հայտարարությանը՝ Իսրայելի միջուկային սպառնալիքի դատապարտման հարցում
ՄԱԿ-ում Իրանի ներկայացուցչությունն աջակցել է Իսլամական համագործակցության կազմակերպության անդամների՝ Իսրայելի ռեժիմի սպառնալիքները դատապարտող հայտարարությանը։
ՄԱԿ-ում Իրանի ներկայացուցչությունը հովանավորել է ՄԱԿ-ում ներկայացված Իսլամական համագործակցության կազմակերպության հայտարարությունը՝ Իսրայելի ռեժիմի իշխանությունների կողմից միջուկային զենքի կիրառման սպառնալիքի դատապարտման վերաբերյալ։
Իսլամական համագործակցության կազմակերպության նոյեմբերի 6-ին հրապարակած հայտարարության մեջ ասվում է.-Իսլամական համագործակցության կազմակերպությունը կոչ է անում Իսրայելի օկուպացիոն ռեժիմին հրաժարվել զանգվածային ոչնչացման զենքից և միանալ NPT-ի դաշժինքին և ընդունել Ատոմային էներգիայի միջազգային գործակալության ստուգումներն ու մոնիտորինգը:
Իսլամական համագործակցության կազմակերպության անդամ երկրների համատեղ հայտարարության մեջ՝ կապված Իսրայելի ռեժիմի կողմից միջուկային զենքի կիրառման սպառնալիքի հետ, ասված է.-Դատապարտելի են Իսրայելի ցավալի դիրքորոշումները Գազայի հատվածում պաղեստինցի ժողովրդի դեմ միջուկային զենքի կիրառման վերաբերյալ։ Իսլամական համագործակցության կազմակերպությունը իսրայելցի պաշտոնյայի ատելության խոսքը համարում է ահաբեկչական ռասիստական գաղափարախոսության տարածում և կոչ է անում դատապարտել և միջազգային հանրության կողմից արդյունավետ միջոցներ ձեռնարկել՝ դադարեցնելու ռազմական ագրեսիան, ամենօրյա սպանությունները և միջազգային օրենքների կոպտագույն խախտումները։
Սիոնիստական ռեժիմի մշակութային ժառանգության նախարար՝ Ամիխայ Էլիահուն հայտարարել է, որ Գազայում միջուկային ռումբի օգտագործումը միակ հնարավոր լուծումն է, և որ պատերազմն առևանգողների համար գումար է արժենում։
Շարունակելով իր ֆաշիստական ու անմարդկային հայտարարությունները՝ նա ասաց՝ Գազայի հատվածը պետք է վերանա, այնտեղ նորից պետք է սիոնիստական բնակավայրեր կառուցվեն։
Գազայի հատվածի ռմբակոծությունները և պաղեստինցի կանանց ու երեխաների սպանությունները շարունակվում են այն դեպքում, երբ արևմտյան երկրները, որոնք աջակցում են Սիոնիստական ռեժիմին, վետո են դրել Անվտանգության խորհրդում հրադադարի մասին ցանկացած բանաձևի վրա կամ պաղեստինցիների սպանությունն ու ռմբակոծությունը կասեցնել փորձելու փոխարեն, ձգտում են ընդունել բանաձեւեր՝ Թել Ավիվին ավելի շատ աջակցելու համար։