ԵԱՏՄ-ի հետ Իրանի 30 միլիարդ դոլարի առևտրային կարողությունը
Իրանի Առևտրի զարգացման կազմակերպության փոխտնօրենը հայտարարել է. -«ԵԱՏՄ-ի հետ Իրանի առևտրային կարողությունը կազմում է 30 միլիարդ դոլար։ Եվրասիական տնտեսական միության հինգ անդամ երկրներն են՝ Ռուսաստանը, Ղազախստանը, Ղրղզստանը, Հայաստանը և Բելառուսը»։
ԵԱՏՄ-ի երկրորդ մասնագիտացված ցուցահանդեսի շրջանակում կայացած մամուլի ասուլիսում Մոհամմադ Սադեղ Ղանադզադեն նշելով, որ Եվրասիական տնտեսական միության անդամ հինգ երկրների ներմուծումը կազմում է 380 մլրդ դոլար, հավելել է, -«ԵԱՏՄ-ի հետ ազատ առևտրի համաձայնագրի ստորագրումը, Իրանին կընձեռի մեծ հնարավորություն և պայմաններ կստեղծի հետագա տնտեսական համագործակցության համար»։
Ընդգծելով, որ Եվրասիական տնտեսական միությունն Իրանի համար մեծ շուկա է, Իրանի Առևտրի զարգացման կազմակերպության փոխտնօրենն ասել է.- «Իրանն առավելաբար ներկրում է հումք և հիմնական ապրանքներ, սակայն ավելի բարձր ավելացված արժեք ունեցող ապրանքների, այդ թվում տեխնոլոգիաների, դեղագործական արտադրանքների և առաջադեմ արդյունաբերության արտահանման կարողությունն օգտագործելու համար,ազատ առևտուրը կարող է ճանապարհ բացել»։