Կրակոցներ՝ Թեհրանում Իսլամական խորհրդարանի շենքի դիմաց զինված անձի կողմից
Նոյեմբեր 21, 2023 16:15 Asia/Tehran
Թեհրանում Իրանի Իսլամական խորհրդարանի շենքի դիմաց զինված անձը կրակ է բացել, ով անմիջապես ձերբակալվել է անվտանգության ուժերի կողմից։
Թեհրանի ոստիկանության հրամանատարության տեղեկատվական կենտրոնը հայտնել է, որ ոստիկանության 110 համարով արտակարգ իրավիճակների ծառայության կենտրոնում ահազանգ է ստացվել «Շաֆա Յահյայանի» անվան հիվանդանոցի դիմաց հրաձգության դեպքի մասին։ Անմիջապես տեղում տեղակայված իրավապահները զինաթափել են հրաձգություն իրականացրած անձին և ձերբակալել նրան։ Այս անձի մոտ հայտնաբերվել է որսորդական հրացան։
Մեծ Թեհրանի ոստիկանության հրամանատարության տեղեկատվական կենտրոնից նաև հայտարարեցին, որ բարեբախտաբար, միջադեպի հետևանքով քաղաքացիներից ոչ ոք չի տուժել։
Դեպքի պատճառների և ձերբակալվածի դրդապատճառների վերաբերյալ հետաքննություն է սկսվել։