Ռազմական տեխնիկա արտահանող երկրները ցանկություն են հայտնում ռազմական տեխնիկա գնել Իրանից
ԻԻՀ ԶՈՒ գերագույն հրամանատարի ռազմական գրասենյակի ղեկավարն ասել է. «Իրանը հասել է պաշտպանունակության այնպիսի մակարդակի, որ երբեմն առաջադեմ զենք արտահանող երկրները ցանկություն են հայտնում ռազմական տեխնիկա գնել Թեհրանից»:
Բրիգադի գեներալ Մուհամմեդ Շիրազին հայտարարել է. «Ներքին կարողությունների վրա հենվելն Իրանին հնարավորություն տվեց հաղթել Իրաքի կողմից պարտադրված ութամյա պատերազմում՝ առանց հույսը դնելու օտար երկրների վրա»:
Նա նշել է. «Ժամանակին Իրանն իր պաշտպանական կարիքները բավարարում էր այլ երկրներից, սակայն այսօր՝ Իսլամական հեղափոխությունից չորս տասնամյակ անց, Իսլամական Հանրապետությունը հասել է պաշտպանունակության այնպիսի մակարդակի, որ երբեմն առաջադեմ զենք արտահանող երկրները ցանկություն են հայտնում ռազմական տեխնիկա գնել Թեհրանից»:
Բրիգադի գեներալ Շիրազին ասել է. «Ռազմական սպառազինության ոլորտում ինքնաբավությունը վկայում է ԻԻՀ կարողությունների մասին, քանի որ իրանցի երիտասարդները կանգնում են մահվան դեմ՝ հանուն ժողովրդի անվտանգության, խաղաղության և բարօրության»:
Նա հավելել է. «Իրանցի գիտնականները մեծ հաջողություններ են գրանցել և նույնիսկ երկինքն են նվաճել»։