ԻԻՀ առաջնորդ. Տարածաշրջանի նոր քաղաքական աշխարհագրության կոորդինատների առանցքը Դիմադրության կորիզներն են

Իրանի Իսլամական հեղափոխության գերագույն առաջնորդը հայտարարել է, -«Դիմադրության կորիզները փոխում են տարածաշրջանի ճակատագիրը, որի օրինակներից մեկը Ալ-Աղսայի փոթորիկն է»։

Այաթոլլահ Խամենեին այսօր (չորեքշաբթի) Իրանի հազարավոր «Բասիջի» աշխարհազորայինների հետ հանդիպման ժամանակ անդրադարձել է Արևմտյան Ասիայի քաղաքական աշխարհագրության քարտեզը Լիբանանում, Իրաքում, Սիրիայում  և Պաղեստինում փոխելու ամերիկացիների ձախողված ծրագրին։

Այաթոլլահ Խամենեին թվարկելով Արևմտյան Ասիայի նոր և ձևավորվող քարտեզի առանձնահատկությունները, ասել է,- «Նոր Արևմտյան Ասիայի առաջին առանձնահատկությունը «ապաամերիկանացումն է, որը նշանակում է տարածաշրջանում ԱՄՆ-ի գերակայության ժխտում», ինչը, իհարկե, չի նշանակում  ԱՄՆ-ի հետ երկրների միջև քաղաքական հարաբերությունների խզում, այլ ավելի շուտ նշանակում է ԱՄՆ-ի  քաղաքական իշխանության և գերակայության վերացում,  և ինչպես տեսնում ենք, 100 տոկոսով ԱՄՆ-ի ենթակայության տակ գտնվող որոշ երկրներ ևս  տարաձայնություն ունեն այդ երկրի հետ»։

Նշելով, որ երկար տարիներ  ԱՄՆ-ն տարածաշրանում գերիշխելու նպատակով  փորձել է ուժեղացնել Սիոնիստական ռեժիմին և երկրներին խրախուսել այդ ռեժիմի հետ հարաբերություններ հաստատել, մեծարգո առաջնորդը հավելել է,- «Տարածաշրջանի ապաամերիկանացման հստակ և ակնհայտ նշան է «Ալ-Աղսայի փոթորիկ»  պատմություն կերտող իրադարձությունը, որը թեև Սիոնիստական ​​ռեժիմի դեմ էր, բայց դա ապաամերիկանացման ուղղությամբ է,քանի որ տարածաշրջանում ԱՄՆ-ի  քաղաքականությունների  աղյուսակը խառնվել է, և դրա շարունակմամբ տարածաշրջանում ամերիկյան քաղաքականությունների աղյուսակը կվերանա»։

«Տարածաշրջանում կեղծ և պարտադրված երկվությունների խաթարումը» նոր Արևմտյան Ասիայի մեկ այլ հատկանիշն է, որին անդրադարձել է Իսլամական հեղափոխության գերագույն առաջնորդը, ասելով,-  ««Արաբ և ոչ արաբ», «շիա և սուննի» երկվությունները և շիաական կիսալուսնի առասպելը թերարժևորվել են, որի վառ օրինակը կարելի է տեսնել  Պաղեստինի դեպքում, քանի որ «Ալ-Աղսայի փոթորիկ»-ի ընթացքում և դրանից առաջ, պաղեստինցիներին ամենամեծ օգնությունը ցուցաբերել են արաբ  և ոչ  արաբ շիաները»։

Այաթոլլահ Խամենեին հստակեցրել է.- «Ի տարբերություն այդ պարտադրված երկվություններին, տարածաշրջանում տիրել է նոր երկվություն, որը կոչվում է «դիմադրություն և հանձնում», և   այսօր տարածաշրջանում հստակ շարժում  է Դիմադրությունը, որը նշանակում է չտրվել «զոռբայությանը, մաքսիլամսիտական պահանջներին և ԱՄՆ միջամտությանը»։

Նա նոր և զարգացող Արևմտյան Ասիայի մեկ այլ հատկանիշ է համարել «Պաղեստինի հարցի լուծումը» և հավելել. -«Աստծո կամքով Պաղեստինի հարցը ընթանում է լուծման ուղղությամբ, այն է՝ պաղեստինյան ինքնիշխանության պետության  ստեղծումը Պաղեստինի ամբողջ տարածքում»:

Անդրադառնալով Պաղեստինի համար  Իրանի Իսլամական Հանրապետության  կողմից ընդունելի ու քաղաքակիրթ  նախագծին ու տրամաբանությանը, որն է պաղեստինցիների մասնակցությամբ հանրաքվեի անցկացումը, գերագույն առաջնորդն ասել է,-«Բացի օկուպանտներից, բոլոր պաղեստինցիները, լինեն նրանք Պաղեստինի  բնակիչներ , թե հարևան երկրների , ճամբարների և այլ տարածքների բնակիչներ, պետք է կարողանան տեսակետ հայտնել Պաղեստինի կառավարման վերաբերյալ: Իհարկե, ոմանք ասում են, որ Սիոնիստական ​​ռեժիմը չի համաձայնելու, բայց այս կամքը պետք է պարտադրել նրան, և եթե այս ծրագրին հետևեն, և տա Աստված, որ այդպես լինի, և եթե Դիմադրության կորիզները լրջորեն հետևեն իրենց կամքին և վճռականությանը, այդ նպատակն իրականություն կդառնա»։

Անդրադառնալով Պաղեստինի հարցը լուծելու համար հրեաներին ու սիոնինստներին ծովը նետելու կապակցությամբ աշխարհում որոշ մարդկանց կողմից Իրանի Իսլամական Հանրապետությանը կեղծ տեսակետ վերագրելուն, մեծարգո առաջնորդն ընդգծել է,- «Իսլամական Հանրապետության կարծիքը  որևէ մեկին ծովը նետելը չէ, այլ այս երկիրը համոզված է,որ պետք է պետություն ստեղծվի Պաղեստինի ժողովրդի ձայնով,  և նման անձանց մասին էլ այդ պետությունը որոշում կայացնի»։

Վերջում Այաթոլլահ Խամենեին նշել է. «Ալ-Աղսայի փոթորիկը հնարավոր չէ մարել, և, տա Աստված,որ այս իրավիճակը  ևս  չի շարունակվի»։