Իրանական «Սալման» արձակման կայանից հաջողությամբ արձակվել է Իրանի նորագույն կենսաբանական տիեզերական պարկուճը
Տիեզերական արդյունաբերության տարբեր ոլորտներն ակտիվացնելու և կենսատիեզերական գիտելիքը զարգացնելու՝ ԻԻՀ 13-րդ կառավարության որոշումից հետո, չորեքշաբթի օրն իրանական «Սալման» արձակման կայանից հաջողությամբ արձակվել է Իրանի նորագույն կենսաբանական տիեզերական պարկուճը:
Կենսաբանական տիեզերական պարկուճն արձակվել է մարդկանց և գիտական, հետազոտական և տեխնոլոգիական բեռներ տիեզերք տեղափոխելու ծրագրի շրջանակում և տեղակայվել երկրի մակերևույթից 130 կմ բարձրության վրա:
500 կգ կշռող պարկուճի հաջող արձակմամբ, որը կառուցվել է Իրանի տիեզերական կազմակերպության նախաձեռնությամբ՝ Գիտության, հետազոտությունների և տեխնոլոգիաների նախարարության ավիատիեզերական գիտահետազոտական ինստիտուտում, հնարավոր է դառնում տիեզերական ծրագրի շրջանակներում հաջողությամբ իրականացնել հետազոտություններ այնպիսի ոլորտներում, ինչպես՝ արձակում, որոնողական աշխատանքներ, արագության կառավարում, հակահարվածային վահան, պարկուճի ու հովանոցի աերոդինամիկա, կենսաբանական պայմանների մոնիտորինգ:
Կենսաբանական տիեզերական պարկուճն արձակվել է «Սալման» կայանից, որն առաջինն է այս դասի մեջ և ունի կես տոննա քաշով կենսաբանական տիեզերական պարկուճներ արձակելու հնարավորություն: