Չինացի ներդրողներ. Իրանը հնարավորությունների երկիր է
Չինացի ներդրողների պատվիրակությունը հայտարարել է, որ Իրանը հնարավորությունների երկիր է, և երկու երկրների ընկերությունների միջև հարաբերությունների ընդլայնումը կհանգեցնի Իրանում չինացի ներդրողների թվի ավելացմանը։
Լինգ Ռոնգ Մինգը, ով գլխավորում էր Իրանի Իսլամական Հանրապետության արտահանման հնարավորությունների 6-րդ ցուցահանդեսին մասնակցած չինացի ներդրողների պատվիրակությունը, գոհունակություն հայտնելով այս մասնագիտացված միջոցառմանը ներկա գտնվելու հնարավորության կապակցությամբ, ասել է,-
Չինական ընկերությունների ներկայացուցիչները այցելելով Իրանի մասնագիտացված ցուցահանդեսներ ծանոթանում են իրանական ընկերությունների հնարավորություններին և հիմք է ստեղծվում երկու երկրների միջև տնտեսական զարգացման և ներդրումների համար։
Նշելով, որ Թեհրանի դեմ արևմտյան լրատվամիջոցների բացասական քարոզչությունը բացասաբար է ազդել որոշ չինացիների՝ Իրան այցելելու ցանկության վրա, Լինգ Ռոնգ Մինգը հավելել է.
Իրանի ժողովրդի հետ ծանոթանալը և իրանական ընկերությունների ճանաչելը կարող են նպաստել չինական ընկերությունների ներկայացուցիչների թվի ավելացմանը։
Լինգ Ռոնգ Մինգը հստակեցրել է,-
Իրանի հետ Չինաստանի հարաբերությունները, ինչպես Պեկինի հարաբերությունները Պակիստանի ու Ռուսաստանի հետ, վեր են տնտեսական շահերից:
2َ024 թվականի ապրիլի 27-ից մինչև մայիսի 1-ը Թեհրանում անցկացվել է Իրանի արտահանման հնարավորությունների (Iran Expo) վեցերորդ ցուցահանդեսը:
Այս ցուցահանդեսը հյուրընկալել է ավելի քան 2 հազար գործարարների, ներդրողների և օտարերկրյա գործարարների աշխարհի ավելի քան 100 երկրներից, ինչը հանգեցրել է բանակցությունների և գործարար փոխհարաբերությունների Իրանի խոշորագույն արդյունաբերական ապրանքանիշերի հետ՝ արդյունաբերական տարբեր ոլորտներում։
Այս հնգօրյա ցուցահանդեսում ներկայացվել են ապրանքներ և ձեռքբերումներ՝ արդյունաբերական և գյուղատնտեսական տարբեր ոլորտներում յոթ ապրանքային խմբերում,ներառյալ սննդամթերք, գյուղատնտեսություն և ձկնարդյունաբերություն, գորգեր և ձեռարվեստ և զբոսաշրջություն, բժշկական սարքավորումները, քիմիական, կոսմետիկ և առողջապահական արտադրանքներ, շինարարական արդյունաբերություն և տեխնիկա-ինժեներական և նավթաքիմիական ծառայություններ։
Իրանական 800 ընկերություններ մասնակցել են Իրանի արտահանման հնարավորությունների ցուցահանդեսին, որն անցկացվել է 50 հազար մետր մակերեսով 17 ցուցասրահներում։