Իրանում բացվել է Պարսից ծոցը Կասպից ծովի հետ կապող Ռեշտ-Կասպյան երկաթգիծը

Հինգշաբթի առավոտյան Իրանի և Ռուսաստանի պաշտոնյաների ներկայությամբ հանդիսովոր բացվել է Ռեշտ-Կասպյան երկաթուղին, հայտնել է Mehr գործակալությունը։

Հսկայական նախագծի բացումը տեղի է ունեցել Իրանի նախագահի պաշտոնակատար Մոհամմադ Մոխբերի և նրան ուղեկցող պատվիրակության, ինչպես նաև Ռուսաստանի նախագահի օգնական Իգոր Լևիտինի ներկայությամբ։

Իրանի հյուսիսի Գիլան նահանգում գտնվող Ռեշտ-Կասպյան երկաթուղու նախագիծը Հյուսիս-Հարավ միջազգային տրանսպորտային միջանցքի մի մասն է, որը Պարսից ծոցը երկաթուղով կապում է Կասպից ծովին:

Իրանական IRGC հեռուստաալիքի թելեգրամյան ալիքի տվյալներով՝ այս երկաթուղային գծի վերջին հատվածի երկարությունը կազմել է 1468 կիլոմետր։ Բացման արարողությանը ներկա է եղել նաև Ադրբեջանի փոխվարչապետը։

Ըստ աղբյուրի՝ այս երկաթուղային գծով Կենտրոնական Ասիայից և Ռուսաստանից տոննաներով բեռներ կշարժվեն՝ հասնելու համար Պարսից ծոց և Հնդկական օվկիանոս։