Սուննի գիտնականներն ընտրությունների կապակցությամբ նամակ են հղել ԻԻՀ առաջնորդին
ԻԻՀ առաջնորդին ուղղված նամակում, իրանցի ավելի քան 2 հազար սուննի գիտնականներ նշել են, որ ընտրությունները ժողովրդի հեղինակության ու կամքի դրսևորումն են։
ԻԻՀ 14-րդ նախագահի ընտրությունները տեղի կունենան հունիսի 28-ին։
Iran Press գործակալության փոխանցմամբ՝ 2 հազար 600 սուննի կրոնագետներ, այդ թվում՝ ուրբաթօրյա իմամներ, կրոնագիտական դպրոցների տնօրեններ և սուննի գիտնականներ, նամակով դիմել են իսլամական հեղափոխության գերագույն առաջնորդին։ Վերահաստատելով իրենց ուխտն իմամ Խոմեյնու, վեհ նահատակների և իսլամական հեղափոխության առաջնորդի իդեալների ու նպատակների հետ, սուննի գիտնականները նշել են, որ ընտրություններին մասնակցելը յուրաքանչյուր իրանցու անքակտելի իրավունքն ու պարտականությունն է, հավելելով, որ առաջիկա ընտրությունները կդրսևորեն ժողովրդի հեղինակությունն ու կամքը և հիմք կդնեն բոլոր իրանցիների՝ պարսիկների, քրդերի, թուրքերի, բելուչների, թուրքմենների, լոռերի, շիաների և սուննիների ավելի լավ ապագայի համար։
Նամակը ստորագրել են Քերմանշահ, Հորմոզգան, Ռազավի Խորասան, Հարավային Խորասան, Հյուսիսային Խորասան, Բուշեհր, Ֆարս, Քուրդիստան, Գոլեստան, Սիստան և Բալուչեստան, Արևմտյան Ատրպատական և Գիլան նահանգների սուննի գիտնականները:
