Թեհրանի համալսարանում իրանցիները վերջին հրաժեշտն են տվել Իսմայիլ Հանիեյին

Այսօր առավոտյան Թեհրանի համալսարանում տեղի է ունեցել ՀԱՄԱՍ-ի առաջնորդ Իսմայիլ Հանիեյի վերջին հրաժեշտի արարողությունը։

Մեհր գործակալության փոխանցմամբ՝ արարողությունը մեկնարկել էր  առավոտյան 8։00-ին, և  8։30-ին ԻԻՀ առաջնորդը աղոթք է կարդացել՝ Դիմադրության նշանավոր նահատակի համար։

ԻԻՀ առաջնորդը վերջին հրաժեշտն է տվել Իսմայիլ Հանիեյին և գրկել ու ցավակցել նրա հարազատներին։

Թեհրանի համալսարանից Հանիեյի աճյունը  տեղափոխվել է Ազատության հրապարակ։

Հիշեցնենք, որ երեկ առավոտյան Իսմայիլ Հանիեյի՝ Թեհրանում գտնվող կեցության վայրի դեմ իրականացված հարձակման ժամանակ, Հանիեն և նրա թիկնապահը նահատակվել էին։