Սպահանի հայոց թեմը դատապարտել է Իսմայիլ Հանիեին նահատակելու Իսրայելի հանցագործությունը
Սպահանի և հարավային իրանահայության թեմը մի հաղորդագրությամբ դատապարտել է Պաղեստինի իսլամական դիմադրության շարժման (ՀԱՄԱՍ-ի) քաղաքական բյուրոյի ղեկավար Իսմայիլ Հանիեին նահատակելու Սիոնիստական ռեժիմի ահաբեկչական գործողությունը։ Հաղորդագրության տեքստը հետևյալն է.
Պաղեստինի իսլամական դիմադրության շարժման (ՀԱՄԱՍ-ի) քաղաքական բյուրոյի ղեկավար նահատակ Իսմայիլ Աբդուլ Սալամ Հանիեի նահատակությունը պատիվ բերեց նրան, իսկ սիոնիստ ահաբեկիչներին՝ անպատվություն ու անարգանք։
Այս օրերին, երբ Սիոնիստական ռեժիմի հանցագործություններին աջակցող միջազգային իրավունքների և մարդու իրավունքների կեղծ պաշտպանների խայտառակության ձայնը լսելի դարձավ աշխարհի ազատատենչ ժողովուրդներին և բռնակալի դեմ դիմադրության մշակույթն ընդլայնվում է, այս անբարոյական ռեժիմը պետական ահաբեկչություն է իրականացնում և միջազգային իրավունքներին ու չափանիշներին հակառակ, այլ երկրներում նահատակում է Դիմադրության ղեկավարներին։ Բայց գիտենք, որ ի վերջո հաղթելու են իրավազրկվածները և լիովին ձախողվելու են սիոնիսներն ու նրանց աջակիցները տարածաշրջանում։
Ուստի Սպահանի հայոց թեմը հայ համայնքի անունից Պաղեստինի ժողովրդին և Դիմադրության ճակատին ցավակցություն է հայտնում Իսմայիլ Հանիեի նահատակության կապակցությամբ և դատապարտում է մեր երկրի սահմաններում տեղի ունեցած ահաբեկչական գործողությունը։