Իրանի ծովուժն Ադրբեջանի հետ սահմանին զորավարժություն է անցկացրե
Իրանի և Ադրբեջանի սահմանին, Կասպից ծովի ափին գտնվող Աստարայի փոխնահանգապետը հայտարարել է, որ բանակի ծովուժը զորավարժություններ է անցկացրել:
«Մեհր» գործակալությունը, վկայակոչելով Աստարայի քաղաքական, սոցիալական և անվտանգության հարցերով փոխնահանգապետ Սեյեդ Համիդ Մուսավիին, հայտնում է, որ ծովուժը ռազմածովային պաշտպանության զորավարժություններ է անցկացրել։
Նշելով, որ զորավարժությունն անցկացվել է ԻԻՀ ռազմավարական նավատորմի պատրաստվածության մակարդակի բարձրացման նպատակով, նա հավելել է. «Զորավարժությունների ընթացքում իրականացվել են հիպոթետիկ թիրախների վրա հարձակման և պաշտպանական գործողություններ»։
Փոխնահանգապետը նշել է, որ զորավարժություններն անցկացվել են երեքշաբթի օրը՝ 19:30-ից 20:30-ն ընկած ժամանակահատվածում, Աստարայի ռազմածովային գոտու մի հատվածում։ նա հավելել է, որ հնչած պայթյունների ձայները վերաբերվել են զորավարժություններին և բնակիչներն անհանգստանալու կարիք չունեն։