Իրանի հակապատերազմական խաղի հաջողությունը միջազգային հեղինակավոր փառատոներում

Իրանական գիտելիքահենք ընկերությունը, որը տեղակայված է «Փարդիս» տեխնոլոգիական պարկի էլիտար տեխնոլոգիաների զարգացման կենտրոնում, կարողացել է տարբեր մրցանակներ շահել միջազգային հեղինակավոր փառատոներում՝ արտադրելով Fatherhood (հայրություն) խաղը, որը հակապատերազմական խաղ է։

Ինչպես գրում է Pars Today-ը, «Բազիսազ Բաշ» գիտելիքահենք ​​ընկերության հիմնադիր Մեհդի Սադրին, ընկերության նոր արտադրանքի մասին ասել է. «Հայրությունը հակապատերազմական խաղ է, որտեղ խաղացողը խաղում է հոր դերը, ով խնամում է իր կույր երեխային»։

Նա հավելեց. «Այս խաղը պատրաստվել է արևմտյան Ասիայի միջավայրում և խաղի մեջ ներդրված են կույր երեխային խնամելու տարբեր մեխանիզմներ, այդ թվում՝ երեխային գրկելու մեխանիզմ՝ պատերազմական միջավայրից առաջացած վախը վերացնելու համար»։

Ըստ Սադրիի, այս խաղը 2022 թվականի Busan Indie Connect փառատոնում արժանացել է երկու մրցանակների՝ «Լավագույն պատմվածք» և «Լավագույն սոցիալական ազդեցություն» և մրցանակներ է ստացել Indie Cup Europe և Indie X 2023 փառատոներում։

Սադրին ասաց. «Այս խաղը գրավել է նաև Microsoft-ի ուշադրությունը և ընտրվել է որպես ընկերության Xbox -ի խաղերից մեկը»։

Վերջում նա հավելեց. «Fatherhood» խաղը հասանելի կլինի Steam խանութում և խաղային կոնսուլներում, նաև հասանելի կլինի https://fatherhoodgame.com/ կայքում, որտեղ ցանկացողները կարող են տեսնել դրա մասին ավելի շատ մանրամասներ։