Իրան. Պատասխանը կլինի այն ժամանակ, երբ Իսրայելի ռեժիմը չի սպասում դրան
ՄԱԿ-ում Իրանի ներկայացուցչությունը ՀԱՄԱՍ-ի քաղբյուրոյի ղեկավար Իսմայիլ Հանիեի սպանության համար իսրայելական ռեժիմին Թեհրանի պատասխանի ժամանակի մասին հայտարարեց, որ Իրանի պատասխանը կլինի այն ժամանակ, այնպիսի պայմաններում և այնպես, որ Իսրայելի ռեժիմը չի սպասում։
Իրանի նախագահի երդմնակալության արարողությանը մասնակցելու համար հուլիսի 31-ին Թեհրան ժամանած ՀԱՄԱՍ-ի քաղբյուրոյի ղեկավար Իսմայիլ Հանիեն նահատակվեց։ Այս ոճրագործությունից հետո Իսլամական հեղափոխության գերագույն առաջնորդ Իմամ Խամենեին իր ուղերձում ընդգծել է. «Սիոնիստական ոճրագործ և ահաբեկչական ռեժիմն այս արարքով հող է նախապատրաստել իրեն դաժան պատժելու համար»։
Ըստ Parstoday-ի, ՄԱԿ-ում Իրանի ներկայացուցչությունը իր հաղորդագրության մեջ հայտարարել է, որ Իրանի պատասխանը կլինի այն ժամանակ, այնպիսի պայմաններում և այնպես, որ Սիոնիստական ռեժիմը չի սպասում: Միգուցե այն ժամանակ, երբ նրանց հայացքն ուղղված է երկնքին ու ռադարի էկրանին, նրանք անակնկալի կգան գետնից, կամ գուցե այդ երկուսի համադրությունից:
ՄԱԿ-ում Իրանի Իսլամական Հանրապետության ներկայացուցչությունը ընդգծել է. «Իրանի պատասխանը պետք է երկու հստակ արդյունք ունենա. Նախ, այն պետք է պատժի ագրեսորին ահաբեկչության և Իրանի ազգային ինքնիշխանության խախտման համար: Երկրորդ, այն պետք է ուժեղացնի Իրանի զսպող ուժը և այդ ռեժիմի խորը զղջման պատճառ դառնա՝ ապագայում ցանկացած ագրեսիա կանխելու համար»: