Իրանի կարատեի պատանեկան և երիտասարդական հավաքականն Ասիայի փոխչեմպիոն
Իրանի կարատեի հավաքականը պատանեկան և երիտասարդական երկու տարիքային խմբերում նվաճելով 4 ոսկե, 3 արծաթե և 5 բրոնզե մեդալներ, զբաղեցրել է երկրորդ հորիզոնականը և դարձել Ասիայի փոխչեմպիոն։
Իրանի ռադիո-հեռուստատեսության լրատվական գործակալության փոխանցմամբ՝ ուրբաթ օրը, Ֆիլիպինների Մանիլայում մեկնարկած կարատեի Ասիայի առաջնության 22-րդ շրջանը, որին մասնակցում էին 30 երկրների 554 կարատեիստներ, ավարտվեց շաբաթ երեկոյան։ Չեմպիոն դարձավ Ճապոնիան, իսկ Իրանի ազգային հավաքականը պատանեկան և երիտասարդական երկու տարիքային խմբերում նվաճեց փոխչեմպիոնի կոչումը։
Փարմիս Ալիփուրը, Սաղար Ջանդաղին, Ամիր Ալի Թեյմուրին և Մահլա Սեդաղաթը նվաճել են չորս ոսկե մեդալներ, Էլինա Սաֆաջուն, Աբոլֆազլ Համդամ Ջուն և Վահաբ Շահմիրը նվաճել են երեք արծաթե մեդալներ, երիտասարդների թիմային կատան (Արմին Ջավանի, Ամիրռեզա Մուսուլմանը և Սինա Նուրին), Ղազալ Ֆաթհին, Մարիամ Գորզինը, Մոհամմադ Աբդուլահին, Աբոլֆազլ Սադեղին նվաճել են 5 բրոնզե մեդալներ։
