Իրանի արտաքին գործերի նախարարության խոսնակ. ԵՄ ներկայացուցչի հակաիրանական հայտարարությունը հիմնովին կեղծ է
Դատապարտելով Եվրամիության գերագույն ներկայացուցչի հայտարարությունը ուկրաինական հակամարտությունում Իրանի ներգրավվածության մասին՝ Իրանի արտգործնախարարության խոսնակը հայտարարել է. - Եվրամիությունը պետք է խուսափի կեղծ տեղեկությունների վրա հիմնված մեղադրանքներից։
Չնայած ուկրաինական պատերազմի վերաբերյալ Իրանի պաշտոնական դիրքորոշման հայտարարմանը և հակամարտության խաղաղ լուծումների շեշտադրմանը, Եվրամիության խորհուրդը սեպտեմբերի 13-ին հակաիրանական հաղորդագրություն հրապարակեց՝ հենվելով չապացուցված պնդումների վրա և հայտարարեց Իրանի կողմից արտադրված բալիստիկ հրթիռների փոխանցումը Ռուսաստան ուղղակի սպառնալիք է Եվրոպայի անվտանգությանը և ներկայացնում է իրանական անօդաչու թռչող սարքերի և զինամթերքի մատակարարման զգալի էսկալացիա, որը Ռուսաստանը օգտագործել է Ուկրաինայի դեմ պատերազմում։
Ըստ Parstoday-ի՝ զգուշացնելով որոշ կողմերին, որոնք ցանկանում են շարունակել ապակառուցողական դիրքորոշումներն ու հայտարարությունները, Իրանի արտաքին գործերի նախարարության խոսնակ Նասեր Քանանին ասել է. -Ես կրկին հստակ կհիշեցնեմ Իրանի Իսլամական Հանրապետության դիրքորոշումը։ Ցանկացած պնդում, թե Իրանը բալիստիկ հրթիռներ է վաճառում Ռուսաստանին, սուտ է։
Պատժամիջոցներ կիրառելու արևմուտքցիների ապակառուցողական մոտեցման վերաբերյալ Իրանի արտաքին գործերի նախարարության խոսնակը հայտարարել է.- Ցավոք, որոշ արևմտյան երկրներ կախվածություն ունեն պատժամիջոցներից. Ճանապարհ, որը ոչ միայն չի օգնում խնդիրների կարգավորմանը, այլեւ ինքնին խնդրի մի մասն է եւ Իրանը կարձագանքի դրան։