Իրանում նշում են իսլամի մարգարեի ծննդյան օրը և մեկնարկել է «Միասնության շաբաթը»
Այսօր իսլամի մարգարե Մուհամմադ Մուստաֆայի ծննդյան օրն է։ Սուննիներն իսլամի մարգարեի ծննդյան օրը նշում են Ռաբի ալ-Ավալ ամսի 12-ին, իսկ շիաները՝ 17-ին։
ԻԻՀ հիմնադիր իմամ Խոմեյնին, ով ինքն էլ իսլամական աշխարհի միասնության ավետաբերներից մեկն էր, մարգարեի ծննդյան օրերի միջև ընկած ժամանակահատվածն անվանեց «Միասնության շաբաթ», մուսուլման ժողովուրդներին միավորելու և մերձեցնելու նպատակով։
Միասնության շաբաթը հնարավորություն՝ է ավելի ուշադիր քննարկելու իսլամական աշխարհի համերաշխության և միասնության անհրաժեշտությունը, հատկապես խռովությամբ և քաոսով լի այս ժամանակաշրջանում:
Չնայած իսլամի տարբեր ճյուղերին հետևող մուսուլմանների մոտ կան տարբերություններ, սակայն նրանք ունեն նաև բազմաթիվ ընդհանրություններ, ինչպիսիք են հավատքը մեկ Աստծո, Սուրբ գրքի, մարգարեի և նույն ղիբլայի նկատմամբ:
ԻԻՀ հեռուստատեսության Հայերեն ռադիոժամը շնորհավորում է աշխարհի բոլոր մուսուլմաններին այս բարեբաստիկ օրվա և «Միասնության շաբաթվա» մեկնարկի կապակցությամբ։