Իրանական ֆիլմերի ու երաժշտության ներկայությունը միջազգային փառատոններին

Էրֆան Էհթաշամի «Պապայա» ֆիլմը կմասնակցի Իտալիայի Սալեռնոյի 78-րդ կինոփառատոնին։

Pars Today-ը ներկայացնում է Իրանի արվեստի ոլորտի վերջին նորությունները, որոնց թվում են «Պապայա» ֆիլմի մասնակցությունն Իտալիայի կինոփառատոնին, «Մալեք» վավերագրական ֆիլմի ցուցադրությունը Հունաստանում, իրանական «Համնավազանե Ֆախթեի» երաժշտական խմբի մասնակցությունը երեք միջազգային փառատոներին և «Քսանմեկ շաբաթ անց» ֆիլմի մասնակցությունն Իրաքի միջազգային կինոփառատոնին։ 

«Պապայա» ֆիլմը կմասնակցի Իտալիայի Սալեռնոյի 78-րդ  կինոփառատոնին

Էրֆան  Էհթաշամի «Պապայա» ֆիլմը կմասնակցի Իտալիայի Սալեռնոյի 78-րդ  կինոփառատոնին։  Սալեռնոյի փառատոնն անցկացվում է 1946 թվականից և հանդիսանում է աշխարհի ամենահին և ամենահեղինակավոր փառատոններից մեկը։ 

Իրանական «Մալեք» վավերագրական ֆիլմը կմասնակցի Հունաստանի Ռոդի փառատոնին

Իրանական «Մալեք» վավերագրական ֆիլմը կմասնակցի Հունաստանի Ռոդի փառատոնին։ Ռոդի փառատոնը Եվրոպայի ամենահեղինակավոր կինոփառատոններից մեկն է, որն անդրադառնում է հաշմանդամության թեմային։
 Իրանական «Մալեք» վավերագրական ֆիլմը   պատմում է հաշմանդամություն ունեցող Մալեքի մասին, ով  թատերական պարապմունքների ընթացքում ծանոթանում է Նեգարի հետ։ Նեգարը Մալեքի խաղընկերն է և ունի Դաունի համախտանիշ։
Ֆիլմը մասնակցել է նաև մի շարք այլ միջազգային փառատոնների, որոնցից ամենահեղինակավորներից է 2022 թվականին  կայացած Moscow Breaking Down Barriers  փառատոնը։ 

«Քսանմեկ շաբաթ անց» ֆիլմը կմասնակցի Իրաքի միջազգային կինոփառատոնին

Ռեժիսոր, սցենարի հեղինակ և պրոդյուսեր Նասրին Մոհամմադփուրի «Քսանմեկ շաբաթ անց» կարճամետրաժ ֆիլմը, 12 այլ կարճամետրաժ ֆիլմերի հետ, կմասնակցի  Իրաքի «Դոհոկ» միջազգային 11-րդ կինոփառատոնին։ 
«Քսանմեկ շաբաթ անց» ֆիլմը նախկինում արժանացել է Հարավային Կորեայում անցկացված Բուսանի 28-րդ միջազգային կինոփառատոնի  «Լավագույն ասիական կարճամետրաժ ֆիլմ» մրցանակին և ցուցադրվել է Բրիտանիայի «Ռեյնդենս» 32-րդ միջազգային կինոփառատոնում։

«Համնավազանե Ֆախտեի» երաժշտական խումբը մասնակցել է երեք միջազգային փառատոնների 

Խասյար Փարսայի ղեկավարած «Համնավազանե Ֆախթեի» երաժշտական խումբը կմասնակցի  երեք միջազգային փառատոնների և կներկայացնի իրանական երաժշտությունը։ 
Նոյեմբերի 19-ին խումբը ելույթ կունենա Չինաստանի  Wuxi International Ethnic Music Festival-ում, նոյեմբերի 21-ին՝ Չինաստանի Marco Polo International Ethnic Music Festival-ում, իսկ դեկտեմբերի 3-ին՝  Ռուսաստանի Սանկտ Պետերբուրգ քաղաքում կայանալիք Daira International Music Festival-ում։