Արաղչին ընդգծել է Ռուսաստանի հետ երկկողմ և բազմակողմ համագործակցությունն ամրապնդելու Իրանի վճռականությունը
Արևմտյան Ասիայի և Աֆրիկայի հարցերով ՌԴ նախագահի հատուկ ներկայացուցիչ Միխայիլ Բոգդանովի հետ Թեհրանում կայացած հանդիպմանն Իրանի ԱԳ նախարար սեյեդ Աբբաս Արաղչին ընդգծել է Իսլամական Հանրապետության վճռականությունը՝ ամրապնդելու Մոսկվայի հետ երկկողմ և բազմակողմ ոլորտներում համագործակցությունը։
Հղում անելով ԻՌՆԱ-ին, «Սահաբ» գործակալությունը հաղորդում է, որ հանդիպմանն Արաղչին Աանդրադարձել է Արևմտյան Ասիայում տիրող անապահովությանն ու անկայունությանը, նշելով, որ դա Սիոնիստական ռեժիմի ագրեսիվ գործողությունների հետևանքն է։ Նա նաև զգուշացրել է, որ հակամարտությունը կարող է ընդլայնվել ու ներառել ողջ տարածաշրջանը։
Արաղչին նշել է․ «Սիոնիստական ռեժիմին ԱՄՆ-ի քաղաքական և ռազմական համակողմանի աջակցությունը պատճառ է դարձել, որ Գազայի հատվածում և Լիբանանում անպաշտպան մարդկանց կոտորածը շարունակվի»։
Հանդիպմանը Ռուսաստանի նախագահի հատուկ ներկայացուցիչ Միխայիլ Բոգդանովը մտահոգություն է հայտնել տարածաշրջանում տիորղ լարված իրավիճակի և հակամարտությունների ծավալների մեծացման կապակցությամբ և ընդգծել Գազայում ու Լիբանանում պատերազմն անհապաղ դադարեցնելու անհրաժեշտությունը։
Նա գոհունակություն է հայտնել Իրանի և Ռուսաստանի միջև հարաբերությունների զարգացման կապակցությամբ և խոսել իր գլխավորած բարձրաստիճան տնտեսական պատվիրակության այցի նպատակներից։