Ինչպե՞ս Իրանը առաջատար դիրքի հասավ հղի կանանց առողջության ոլորտում

Ինչպես հաղորդում է Pars Today-ը, Իրանը վերջին տարիներին զգալի առաջընթաց է գրանցել հղի կանանց առողջության ոլորտում։ Մայրական մահացության զգալի կրճատումը երկրի կարևոր ձեռքբերումներից է, և այս առումով Իրանը այն սակավաթի երկրներից է, որը կարողացել է հասնել մայրական մահացությունը նվազեցնելու զարգացման նպատակներին:

Տարածաշրջանի և նրա սահմաններից դուրս երկրների մեծամասնության համեմատ Իրանի առողջապահական համակարգը արտոնյալ և առաջնային դիրք ունի, և այս բարենպաստ դիրքը ճանապարհ է հարթել, որպեսզի Իրանը դառնա տարածաշրջանի առողջապահության նպատակակետ երկրներից մեկը:

Իրանի Իսլամական Հանրապետության առողջապահության, բուժման  և բժշկական կրթության նախարար Մոհամմադ Ռեզա Զաֆարղանդիի խոսքով, Իրանը հղի կանանց մահացության դեպքերի կրճատման առումով աշխարհի առաջատար երկրների եռյակում է, և այս պատիվը տարիների քրտնաջան աշխատանքի և ջանքերի արդյունք է։

Իրանի բժշկական խորհրդի նախագահ՝ Մոհամմադ Ռայիսզադեն ևս ասել է. -Առողջապահության համաշխարհային կազմակերպության նպատակն է 2030 թվականին մայրական մահացության մակարդակը նվազեցնել մինչև 70 դեպք 100,000 կենդանի ծնվածների հաշվով, մինչդեռ Իրանում այս ցուցանիշը կազմում է 22 ,  100,000 ծնունդների  դեպքում։ 

Ակնհայտ է, որ այս առաջխաղացումները եղել են Իրանի կառավարության, առողջապահական կենտրոնների և կազմակերպությունների լայնածավալ ջանքերի արդյունքը։

Այս ոլորտում կատարված ամենակարևոր քայլերից են՝

1․Առողջապահական ենթակառուցվածքների զարգացում, ներառյալ առողջապահական կենտրոնների կառուցումն ու սարքավորումը, առողջապահական և բժշկական կենտրոնների թվի ավելացումը Իրանի տարբեր շրջաններում, հատկապես՝ անապահով շրջաններում, անհրաժեշտ սարքերով կենտրոնների հագեցումը և առողջապահական կենտրոններում անհրաժեշտ ախտորոշիչ և բուժական միջոցների ապահովումը հղի կանանց խնամքի համար։

2- Սքրինինգային ծրագրեր. ներառյալ գենետիկ հիվանդությունների սքրինինգ, պտղի գենետիկ հիվանդությունների ախտորոշման սքրինինգ թեստերի անցկացում, վարակիչ հիվանդությունների սքրինինգ և հղի մայրերի մոտ վարակիչ հիվանդությունների, ինչպիսիք են հեպատիտը և ՁԻԱՀ-ը, ժամանակին ախտորոշումն ու բուժումը:

3-Կրթություն և տեղեկատվություն.Ներառյալ սեմինարների և վերապատրաստման դասընթացների անցկացում` հղի մայրերին առողջ սնուցման, նախածննդյան խնամքի, բնական ծննդաբերության և կրծքով կերակրման մասին: Lրատվամիջոցների օգտագործումը և զանգվածային լրատվամիջոցներով տեղեկատվության տրամադրումը՝ հղի մայրերի առողջության կարևորության մասին հանրային իրազեկվածության բարձրացման համար:

4- Բնական ծննդաբերության խթանում. ներառյալ բնական ծննդաբերությանն աջակցելը, մայրերին  բնական ճանապարհով ծննդաբերելու խրախուսելը, և անհարկի կեսարյան հատումների  կրճատումը, մանկաբարձների ուսուցումը և մանկաբարձների գիտելիքների ու հմտությունների բարելավումը բնական ծննդաբերություններ իրականացնելու համար:

5- Դեղորայքի և սննդային հավելումների անվճար բաշխում. ներառյալ երկաթի և ֆոլաթթվի հավելումների բաշխումը, հղի մայրերի մոտ անեմիայի կանխարգելումը, անհրաժեշտ այլ հավելումների բաշխումը և հղի մայրերի սննդային կարիքների բավարարումը:

6. Առողջության համընդհանուր ապահովագրություն. որը ներառում է հղիության և ծննդաբերության ծախսերի ապահովում, ընտանիքների ֆինանսական բեռի նվազեցում և առողջապահական ծառայությունների հասանելիության ավելացում:

7- Սննդային ծրագրեր. ներառյալ պարենային զամբյուղների բաժանումը, աղքատ շրջաններում հղի մայրերին պարենային զամբյուղների տրամադրումը, առողջ սնուցման ուսուցումը և հղիության ընթացքում ճիշտ սնվելու մասին մայրերի իրազեկվածության բարձրացումը:

8- Աջակցություն կրծքով կերակրող մայրերին. ներառյալ կրծքով կերակրման խրախուսումը, մինչև վեց ամսականը բացառապես կրծքով կերակրման խթանումը և մինչև երկու տարեկանը շարունակվելը, մայրերին  կրծքով կերակրելու ճիշտ տեխնիկայի վերաբերյալ կրթությունը:

Հարկ է նշել, որ Իրանում առողջապահական իրավիճակի զգալի գերազանցությունը և ուժեղ ու լավ երաշխիքով ենթակառուցվածքն ու առողջապահական համակարգը Իրանը դարձրել են ամենահեղինակավոր,  մատչելի և հուսալի առողջապահական ուղղություններից մեկը: