Իրանի ռազմաօդային ուժերն առաջիկա օրերին լայնածավալ զորավարժություններ կանցկացնեն

Իրանի զինված ուժերն առաջիկա օրերին խոշոր զորավարժություններ կանցկացնեն: Այս մասին հայտնում է Mehr գործակալությունը:

Նշվում է, որ կոմբինացված և համատեղ զորավարժություններ կանցկացվեն երկրի տարբեր շրջաններում և Պարսից ծոցում:

Գործակալության տվյալներով՝ մանևրների շրջանակներում զորավարժություններ կանցկացնեն նաև ԻՀՊԿ-ի և «Բասիջ» ուժերի հետախուզական, պաշտպանական և հարձակողական ստորաբաժանումները:

Զորավարժության խնդիրներն են Իրանի զինված ուժերի պաշտպանական և հարձակողական կարողությունների համակարգման բարելավումը, նոր ռազմական տեխնիկայի դաշտային շահագործումը: