Իրանի ազգային լրատվամիջոցի ղեկավարը հյուրընկալել է երկրի քրիստոնեական համայնքի պատգամավորներին
Իրանի ազգային լրատվամիջոցի ղեկավարը հյուրընկալել է Իսլամական խորհրդարանում Իրանի քրիստոնեական համայնքի պատգամավորներին։
Իրանի ռադիո-հեռուստատեսության լրատվական գործակալության փոխանցմամբ, այս հանդիպմանը, Փեյման Ջեբելին բացատրել է Իսլամական խորհրդարանի պատգամավորների դիրքը հասարակական կարծիքի մոտ և ազգային կարևոր հարցերում, ապա երկու կառույցների միջև համագործակցության ընդհանուր թեմաներին անդրադառնալով, տեղեկացել է պատգամավորներին հուզող հարցերի մասին և ծանոթացել նրանց տեսակետներին։
Նա Իսլամական Իրանի համար պատիվ ու պարծանք է համարել կրոնական փոքրամասնությունների պատգամավորների ներկայությունը երկրի օրենսդիր մարմնում, որը հիմնված է հարուստ մշակույթի, իրանական առաջադեմ քաղաքակրթության և այս երկրի ժողովրդի միաստվածության հավատքի վրա: Իրանի ռադիո-հեռուստատեսության կազմակերպության տնօրենը շնորհավորել է հայ և ասորի պատգամավորներին ու հայրենակիցներին Քրիստոսի Ս․ Ծննդյան և Նոր Տարվա առիթով։
Այս հանդիպմանը ներկա էին ասորի և քաղդեացի քրիստոնյաների պատգամավոր՝ Շարլի Էնվիե Թեքիեն, Թեհրանի և հյուսիսային իրանահայության պատգամավոր՝ Արա Շավերդյանն ու Սպահանի և հարավային իրանահայությաան պատգամաավոր՝ Գեղարդ Մանսուրյանը։