Իրանի իմամ Խոմեյնու համալսարանը ներառվել է աշխարհի լավագույն ԲՈՒՀ-երի թվում

Իրանի Ղազվին քաղաքում գտնվող իմամ Խոմեյնու միջազգային համալսարանը ճարտարագիտության և ֆիզիկական գիտությունների ոլորտում ներառվել է աշխարհի լավագույն համալսարանների ցանկում։

Հղում անելով «Մեհր» գործակալությանը, «Սահաբը» հաղորդում է, որ Times Higher Education 2025-ի  առարկայական վարկանիշի համաձայն՝ իմամ Խոմեյնու միջազգային համալսարանը ճարտարագիտության և ֆիզիկական գիտությունների ոլորտներում աշխարհի համալսարանների շարքում զբաղեցրել է 501-600-րդ տեղը։

Times World University Rankings 2025-ը դասակարգել է ավելի քան 115 2երկրների 2 հազար ԲՈՒՀ։ Այս վարկանիշային աղյուսակում աշխարհի համալսարանները դասակարգվել են ըստ 18 ցուցանիշների, հինգ հիմնական ոլորտներում՝ կրթություն, հետազոտական միջավայր, հետազոտության որակ, մասնակցություն արդյունաբերությանը և միջազգային հեռանկար:

Times 2025-ի վարկանիշային աղյուսակում ընդգրկված է Իրանի 84 համալսարան։