Իրանի և Հայաստանի սահմանին սկսվել են «խաղաղության զորավարժությունները»
Իրանի Իսլամական Հանրապետության զինված ուժերի և Հայաստանի Հանրապետության զինված ուժերի հատուկ նշանակության ստորաբաժանումներն ապրիլի 9-10-ը համատեղ զորավարժություն են անցկացնում:
Իսլամական հեղափոխության պահապանների կորպուսի ցամաքային զորքերի հրամանատարի տեղակալ, «Խաղաղության զորավարժությունների» հրամանատար, բրիգադային գեներալ Վալիոլլահ Մադանին Tasnim-ի թղթակցի հետ զրույցում հայտարարեց, որ «Խաղաղության զորավարժությունները» կանցկացվեն երկու երկրների՝ Իրանի Իսլամական Հանրապետության և Հայաստանի միջև, սահմանամերձ Նորդուզ շրջանում։
Բրիգադի գեներալ Վալիոլլահ Մադանին հայտարարել է, որ Իրանի և Հայաստանի սահմանային շրջաններն անվտանգ են և համատեղ զորավարժությունն անցկացվում է մարտական ուժերի պատրաստվածությունը պահպանելու, ահաբեկչության դեմ պայքարելու և կայուն խաղաղություն պահպանելու համար։
Նա նշել է, որ զորավարժությունների համար անհրաժեշտ քայլերը նախապես մշակվել են, հավելել է․ «Այս զորավարժությունն իրականացվում է տարածաշրջանում կայուն խաղաղության հաստատման նպատակով»։
Զորավարժությունը ենթադրում է Հայաստան-Իրան պետական սահմանին տեղակայված սահմանային անցակետերի վրա պայմանական ահաբեկչական խմբերի հարձակումը չեզոքացնելու գործողություններ:
