ԻՀՊԿ հրամանատար. Եթե Իրանի վրա հարձակվեն, մենք նրանց համար դժոխք կստեղծենք
ԻՀՊԿ գլխավոր հրամանատարը հայտարարել է, որ եթե Իրանի վրա հարձակվեն, մեր պատասխանը կլինի ավելի ուժեղ, քան 12-օրյա սրբազան պաշտպանությունը, և դժոխք կստեղծենք թշնամու համար։
ԻՀՊԿ գլխավոր հրամանատար՝ գեներալ-մայոր Մոհամմադ Փաքփուրը Իրաքի ազգային անվտանգության խորհրդական Ղասեմ ալ-Էըրաջիի հետ հանդիպման ժամանակ ասել է. «Սիոնիստա-ամերիկյան թշնամին հույսը դրել էր իր հրթիռային վահանի, այդ թվում՝ THAAD-ի վրա, սակայն իրանական հրթիռները արձակվեցին և հարվածեցին նախանշված թիրախներին»։
Բարձր գնահատելով Իրաքի ջանքերը՝ 12-օրյա պատերազմի ընթացքում ընդդիմադիր խմբավորումներին վերահսկելու հարցում, Իսլամական հեղափոխության պահապանների կորպուսի գլխավոր հրամանատարը կոչ է արել լիարժեքորեն իրականացնել անվտանգության մասին համաձայնագրերը և ստեղծել դաշտային կոմիտե սահմանային տարածքներիը վերահսկելու համար։ Նա ընդգծել է․ «Այս խմբավորումները սպառնալիք են երկու երկրների անվտանգության համար և պետք է զսպվեն երկու երկրի համագործակցության միջոցով»։ Ի պատասխան՝ Ղասեմ ալ-Էըրաջին կրկին ընդգծելով Իրաքի հանձնառությունը՝ կանխելու Իրանի անվտանգության դեմ ուղղված ցանկացած գործողություն իր տարածքից, ասել է. «Մենք թույլ չտվեցինք ընդդիմադիր խմբավորումներին որևէ տեղաշարժ անել 12-օրյա պատերազմի ընթացքում և ապագայում ևս վճռականորեն թույլ չենք տա»։
Վերջում երկու կողմերն էլ ընդգծեցին անվտանգության ոլորտում համագործակցության ամրապնդման և երկկողմ համաձայնագրերի իրականացման անհրաժեշտությունը, իսկ իրաքցի պաշտոնյաները շեշտեցին իրենց բարոյական և քաղաքական հանձնառությունը Իրանի նկատմամբ ունեցած պարտավորություններին։