Իրանը դատապարտում է Իսրայելի ռեժիմի կողմից Հարավային Լիբանանի վրա իրականացված օդային հարվածները

Իրանի Արտգործնախարարության խոսնակը հինգշաբթի օրը Իսրայելի ռեժիմի կողմից Հարավային Լիբանանի և Բեքաա շրջանի վրա իրականացված օդային հարվածները անվանել է «ահաբեկչական հանցագործություն» և խստորեն դատապարտել է այն։

Ըստ Iran Press-ի, Իրանի Արտաքին գործերի նախարարության խոսնակ Էսմայիլ Բաղային ցավակցություն է հայտնել զոհերի ընտանիքներին և լիբանանցի ժողովրդին և կոչ է արել դատել ու պատժել Իսրայելի ռեժիմին այդ հանցագործությունները կատարելու համար։

Այս հարձակումների արդյունքում զոհվել և վիրավորվել են մի շարք անմեղ քաղաքացիներ, այդ թվում՝ Բեքաա շրջանի դպրոցի աշակերտներ։

Արտգործնախարարության խոսնակը Սիոնիսստական ռեժիմի կողմից Լիբանանի ազգային ինքնիշխանության և տարածքային ամբողջականության դեմ բազմիցս հարձակումները և հրադադարի համաձայնագրի շարունակական խախտումը որակել է որպես նրա ահաբեկչական բնույթի և գերիշխանության ձգտելու հստակ նշան, և այդ ռեժիմի անպատժելիությունը համարել է Միացյալ Նահանգների լիակատար աջակցության արդյունք։

Բաղային նաև հիշեցրել է միջազգային հանրության և ՄԱԿ-ի Անվտանգության խորհրդի պատասխանատվությունը Իսրայելի ռեժիմի կողմից իրականացված օրինախախտումների և հանցագործությունների դեմ պայքարում։