Բաղայի. Ամերիկան ​​և նրա որոշ դաշնակիցները ՄԱԿ-ի կանոնադրության ամենամեծ խախտողներն են

Pars Today - Իրանի ԱԳՆ խոսնակը ՄԱԿ-ի հիմնադրման 80-ամյակին նվիրված արարողության ժամանակ ասել է. «Ամերիկան ​​և նրա որոշ դաշնակիցները ՄԱԿ-ի կանոնադրության ամենամեծ խախտողներն են»։

Իրանի ԱԳՆ խոսնակ Էսմայիլ Բաղային երկուշաբթի օրը ՄԱԿ-ի հիմնադրման 80-ամյակին նվիրված արարողության ժամանակ հայտարարել է. «ՄԱԿ-ը ոչ միայն համաշխարհային խաղաղության ամրապնդման, երկրների զարգացման և բարգավաճման կազմակերպություն է, այլև մարդկության ցավի ու տառապանքի վկայության խորհրդանիշն է»։

Ըստ Pars Today-ի, Բաղաեին հայտարարել է. «Ազգերի իրավունքների հարգանքը, որը հիմնարար սկզբունք է, պարտադրում է մերժել երկրների գործերին ցանկացած արտաքին միջամտություն»։ Դժբախտաբար, ՄԱԿ-ի Կանոնադրության նպատակները բազմիցս խախտվել և չարաշահվել են այն երկրների կողմից, որոնք չեն կարողացել ազատվել ինքնատիրապետման պատրանքից: Դժբախտաբար, մեր աշխարհը բախվում է անվերջ պատերազմների մղձավանջի, իսկ մարդկային արժանապատվությունը զոհաբերվում է եսասիրության դիմկաց:

Իրանի ԱԳՆ խոսնակը հավելել է. «Օրենքների ու մարդու իրավունքների խախտումները միշտ կատարվել են հզոր դերակատարների կողմից, ովքեր միջազգային սկզբունքներն ու օրենքները փոխարինել են իրենց սեփական քաղաքականությամբ՝ կանոնների վրա հիմնված կարգ կերտելով։ Միակողմանիությունը հիմնված է միայն այս հորինված կանոնների վրա»։

Նա ընդգծեց. «ՄԱԿ-ի կանոնադրության սկզբունքներն ու նպատակները, այդ թվում՝ ուժի կիրառման արգելքը, երբեք այսքան չեն ենթարկվել խախտման ու  ճնշման՝ ԱԽ-ում գտնվող ուժերի կողմից: ԱՄՆ և նրա որոշ դաշնակիցները ՄԱԿ-ի կանոնադրության ամենամեծ խախտողներն են»: Այս երկու տարիների ընթացքում, Պաղեստինում պատմական ցեղասպանության հետ միաժամանակ, սիոնիստական ​​ռեժիմը հարձակումներ է գործել տարածաշրջանի երկրների վրա, և դա արվել է որոշ երկրների և տերությունների աջակցությամբ, որն ուղեկցվել է անպատժելիությամբ։

Բաղային նշել է. «Իրանը խաղաղության և արդարության ուղու անսասան կողմնակից է: Մենք հավատում ենք արդարությանը: Այս օրը եկեք չբավարարվենք միայն իդեալներով՝  այլ հանձնառու լինենք դրանց իրականացման գործում»: