Միջազգային իրանագիտական համաժողով՝ Հայաստանից ժամանած պատվիրակության մասնակցությամբ
Pars Today- Միջազգային իրանագիտական համաժողովում Իրանի մշակութային ժառանգության, զբոսաշրջության և ձեռարվեստի նախարարն ընդգծել է, որ Իրանը պատմության ընթացքում բազմիցս վերակերտել է իրեն, և վերակերտելու այս ունակությունը այս երկիրը պահել է ամուր՝ ամենադժվարին ճգնաժամերի ժամանակ։
Անդրադառնալով ««Իրանական շերտավոր և շարունակական ինքնությանը»՝ Սեյեդ Ռեզա Սալեհի Ամիրին ասաց, որ այս ինքնությունը երկար, ստեղծագործական և շարունակական գործընթացի արդյունք է, որն իրանական մշակույթի և քաղաքակրթության գոյատևման գաղտնիքն է։
Մշակութային երկխոսությունների և համագործակցության կարողությունների վրա կենտրոնացած Միջազգային իրանագիտական համաժողովը մեկնարկեց այսօր՝ շաբաթ նոյեմբերի 15-ին, տարբեր երկրների, այդ թվում՝ Հայաստանից ժամանած իրանագետների և համալսարանական դասախոսների մասնակցությամբ։ Այս երկօրյա համաժողովում Սալեհի Ամիրին Իրանը բնութագրեց որպես պատմական գաղտնիքների և առեղծվածների երկիր և պարսկերենը համարեց իրանական մշակութային ինքնության ներքին հենասյունը։
Մշակութային ժառանգության նախարարը Իրանը ներկայացրել է որպես բազմազանության եզակի օրինակ՝ միաժամանակ պահպանելով միասնությունը։ Նա ասել է․- Այս երկրի էթնիկ և լեզվական բազմազանությունը սպառնալիք չէ, այլ մշակութային ամրության գործոն։ Նա հիշեցնելով Իրանի պատմական դերը Մետաքսի ճանապարհին և մշակութային միջնորդության մեջ,, Կյուրոսի խարտիայի գրանցումը ՅՈՒՆԵՍԿՕ-ում համարեց արդարության, հանդուրժողականության և մարդկային արժանապատվության նման իդեալների համաշխարհային դիրքի նշան։
Սալեհի-Ամիրին նաև ընդգծեց, որ իրանագիտությունը պահանջում է դաշտային ուսումնասիրություններ և վերլուծական հետազոտություններ, և Մշակութային ժառանգության նախարարությունը իր առաջնահերթությունների շարքում դիտարկում է իրանագիտական կենտրոնների հետ գիտական համագործակցության զարգացումը, ռեսուրսներին հետազոտողների հասանելիության հեշտացումը և մշակութային դիվանագիտության ընդլայնումը։