Իրանը զգուշացրել է Կարիբյան ավազանում ԱՄՆ ռազմական գործողությունների մասին
Իրանի ԱԳՆ խոսնակը զգուշացրել է Կարիբյան ավազանում և Լատինական Ամերիկայում ԱՄՆ ռազմական գործողությունների սրման մասին՝ այդ գործողությունները որակելով որպես միջազգային խաղաղության և անվտանգության լուրջ սպառնալիք։
Իսմայիլ Բաղայի-Համանեն ընդգծել է, որ Վենեսուելայի օրինական կառավարության դեմ ուժի կիրառման ցանկացած սպառնալիք ՄԱԿ-ի կանոնադրության, այդ թվում՝ ժողովուրդների ինքնորոշման սկզբունքի և ուժի կիրառման արգելքի ակնհայտ խախտում է:
Անդրադառնալով Վենեսուելայի ձկնորսական նավակների վրա ԱՄՆ-ի հարձակումների վերաբերյալ միջազգային զեկույցներին, նա այդ գործողությունները որակել է «առանց դատարանի սպանություններ» և կոչ է արել դադարեցնել Վաշինգտոնի կողմից թմրանյութերի ապօրինի շրջանառության դեմ պայքարի չարաշահումը՝ Վենեսուելայի ինքնիշխանությունը խախտելու համար։
Նա ընդգծել է ՄԱԿ-ի դերը խաղաղության և անվտանգության խախտումների կանխարգելման գործում և զգուշացրել, որ ԱՄՆ միակողմանի քաղաքականության շարունակությունը կարող է վտանգավոր հետևանքներ ունենալ տարածաշրջանային կայունության համար։
Իրանն ընդգծել է երկրների ինքնիշխանության նկատմամբ հարգանքը և սադրիչ գործողություններից խուսափելը, և կոչ արել կառավարություններին հետևել միջազգային իրավունքին և խաղաղ համակեցության սկզբունքներին։