Իրանն Իրաքի հետ անվտանգության համաձայնագիր է մշակում. Արաղչի

Իրանի ԱԳ նախարարը բանակցություններ է վարել այցով Թեհրան ժամանած իրաքցի գործընկերոջ հետ:

Իրանն Իրաքի հետ անվտանգության վերաբերյալ ընդհանուր համաձայնագիր է մշակում։ Այս մասին Իրանի ԱԳ նախարար Աբբաս Արաղչին հայտարարել է Թեհրանում գտնվող իր իրաքցի գործընկեր Ֆուադ Հուսեյնի հետ ճեպազրույցում:

«Մենք Իրաքի հետ աշխատում ենք անվտանգության հարցերով համատեղ համաձայնության հասնելու ուղղությամբ», - նշել է Արաղչին, որի խոսքերը մեջբերում է ՌԻԱ Նովոստին:

Նախարարի խոսքով՝ Իրաքի արևմուտքում գտնվող «Այն ալ-Ասադ» ավիաբազայից ամերիկացի զինվորականների հեռանալը «Իրաքի հետ անվտանգության ոլորտում համագործակցության ամրապնդման ապացույցն է»: