Սուրբ Ջամքարան մզկիթում Իմամ Մահդիի երկրպագուների հավաքը ՝ հավատքի և սպասման դրսևորում է
Շաաբան ամսի օրհնյալ օրերին, Իմամ Մահդիի երկրպագուներն ու Նրան սպասողները Ղոմի Սուրբ Ջամքարան մզկիթում խանդավառ ներկայություն ունեցան, ինչը հավատքի, միասնության և հույսի վառ դրսևորում է:
Ինչպես հաղորդում է Iran Press լրատվական գործակալությունը, Իսլամական հեղափոխության հաղթանակից հետո, Շաաբան ամսի 15-ին Իմամ Մահդիի ծննդյան օրվան նվիրված ամենամեծ հավաքը տեղի ունեցավ այս սրբավայրում։
Ջամքարան մզկիթի հոգաբարձու՝ Հոջաթ-օլ-էսլամ Սեյյեդ Ալի-Աքբար Օջաղնեժադն իր ուղերձում Իմամ Մահդիի ծննդյան օրը բնութագրեց որպես «հույսի, սպասման և մարդկության լուսավոր ապագայի մեծ տոն» և հավելեց, որ այս օրը հիշեցնում է աստվածային խոստումը՝ արդարության, իրավահավասարության և մարդկային արժանապատվության հաստատման մասին։
Նա Իսլամական հեղափոխությունը համարեց «ակտիվ սպասման» դրսևորում,որը իսլամական նոր քաղաքակրթության ձևավորման հիմք ստեղծեց։
«Մահդին՝ Իրանի հոգին» կարգախոսի ներքո անցկացված այս մեծ հավաքը Իրանի ժողովրդի և Իմամի Մահդիի խորը կապի, Իրանի ժողովրդի հեղափոխական ինքնության, ինչպես նաև այս երկրում հավատամքային փափուկ ուժի խորհրդանիշն է։