ԻԻՀ ԱԳՆ խոսնակը պատասխանել է ՄԱԿ-ի գլխավոր քարտուղարին
Արձագանքելով ՄԱԿ-ի գլխավոր քարտուղարի այն հայտարարությանը, թե ժամանակն է դադարեցնել պատերազմը, ԻԻՀ ԱԳՆ խոսնակ Էսմայիլ Բաղային X-ում գրել է.
Հարգելի պարոն գլխավոր քարտուղար,
Եկեք մի փոքր չեզոք լինենք։
Սա «պատերազմ» չէ. սա ագրեսիայի ակտ է, որը սկսվել է երկու միջուկային ռեժիմների կողմից՝ Իրանի դեմ։
Մենք լուրջ դիվանագիտական բանակցություններ էինք իրականացնում, երբ ԱՄՆ-ն ևԻսրայելը վերջին 9 ամիսների ընթացքում երկրորդ անգամ հարձակվեցին Իրանի վրա։
Դուք մտահոգված եք «գլոբալ տնտեսությանը սպառնացող լուրջ ռիսկով». իսկ ի՞նչ կասեք անմեղ քաղաքացիական անձանց, այդ թվում՝ Մինաբ քաղաքում կոտորված 175 փոքրիկ հրեշտակների և շատ ուրիշների մասին, որոնք վերջին 7 օրվա ընթացքում սպանվել և վիրավորվել են Իրանի ողջ տարածքում։
ՄԱԿ-ը պետք է իրավական և բարոյական պատասխանատվություն ստանձնի Իրանի դեմ այս անօրինական պատերազմի հարցում։