Ղարիբաբադի. Հորմուզի նեղուցի վերաբերյալ ԱՄՆ-ի նախագիծը օրակարգը փոխելու փորձ է
Pars Today - Իրանի արտաքին գործերի նախարարության իրավական և միջազգային հարցերի գծով փոխնախարարը հայտարարել է. -ԱՄՆ-ի և նրա որոշ տարածաշրջանային դաշնակիցների կողմից Անվտանգության խորհրդում Հորմուզի նեղուցի վերաբերյալ նախագիծ մշակելու ջանքերը վկայում են օրակարգը փոխելու նոր փորձի մասին։
Pars Today-ի փոխանցմամբ՝ Իրանի արտաքին գործերի նախարարության իրավական և միջազգային հարցերի գծով փոխնախարար Քազեմ Ղարիբաբադին սոցիալական ցանցերից մեկի իր էջում հաղորդագրություն է հրապարակել և գրել. -ԱՄՆ-ի և նրա որոշ տարածաշրջանային դաշնակիցների կողմից Անվտանգության խորհրդում Հորմուզի նեղուցի վերաբերյալ նախագիծ մշակելու ջանքերը վկայում են օրակարգը փոխելու նոր փորձի մասին՝ ռազմական ագրեսիայի և անօրինական շրջափակման հետևանքները վերածելով սպառնալիքների, ճնշման և հարձակման թիրախ դարձած երկրի դեմ գործի։
Ղարիբաբադին այս ուղերձում նշել է. «Նավարկության ազատությունը» հարգված իրավական սկզբունք է, սակայն այն չի կարող ընտրողաբար, քաղաքականապես և Միավորված Ազգերի Կազմակերպության կանոնադրությունից առանձին մեկնաբանվել։ Տարածաշրջանում ծովային անվտանգության վերաբերյալ ոչ մի նախաձեռնություն չի կարող միաժամանակ անտեսել ուժի կիրառումը, ծովային շրջափակումը, շարունակական սպառնալիքը և ԱՄՆ-ի ու սիոնիստական ռեժիմի անմիջական դերը ճգնաժամի առաջացման գործում և պնդել չեզոքության կամ իրավական ուժի մասին։
Նրա խոսքով՝ որոշ կառավարություններ փորձում են վերաշարադրել իրենց անօրինական գործողությունների հետևանքները «միջազգային կարգի» լեզվով։ Նման մոտեցումը ոչ կօգնի նվազեցնել լարվածությունը, և ոչ էլ կօգնի ծովային անվտանգությանը կամ բազմակողմ մեխանիզմների հեղինակությանը։
Իրանի փոխարտգործնախարարը շեշտել է. «Ցանկացած տեքստ, որը փորձում է ձևակերպել Հորմուզի նեղուցում տիրող իրավիճակը՝ առանց նշելու ագրեսիան, շրջափակումը, ուժի սպառնալիքը և Իրանի օրինական իրավունքները՝ պաշտպանելու իր անվտանգությունն ու կենսական շահերը, կլինի թերի, կողմնակալ, քաղաքական և սկզբից դատապարտված է ձախողման»։