ԻՀՊԿ ՌԾՈՒ նախազգուշացումը Հորմուզի նեղուցի վերաբերյալ․ նավերին կոչ է արվում չմոտենալ նեղուցին
ԻՀՊԿ ՌԾՈՒ հասարակայնության հետ կապերի վարչությունը հայտարարություն է տարածել՝ նախազգուշացնելով Հորմուզի նեղուցի տարածքում նավարկության վտանգների մասին և կոչ անելով նավերին ու ծովային փոխադրամիջոցներին չմոտենալ այդ ռազմավարական ջրային ուղուն, հակառակ դեպքում նրանց անվտանգությունը կարող է վտանգվել։
Pars Today-ի հաղորդմամբ՝ հայտարարության մեջ, անդրադառնալով տարածաշրջանում վերջին զարգացումներին, այդ թվում՝ Լիբանանի դեմ Իսրայելի հարձակումներին և ԱՄՆ-ի կողմից հրադադարի վերաբերյալ ստանձնած պարտավորությունների ենթադրյալ խախտումներին, նշվում է, որ Հորմուզի նեղուցը փակ է բոլոր տեսակի նավերի համար, և այդ գոտում ցանկացած տեղաշարժ կարող է ուղեկցվել անվտանգության լուրջ ռիսկերով։
ԻՀՊԿ ՌԾՈՒ-ն կոչ է արել առևտրային և ծովային բոլոր նավերին հետևել հրապարակված նախազգուշացումներին և զերծ մնալ Հորմուզի նեղուցի ուղղությամբ շարժվելուց։