Նույնիսկ Թրամփն է զարմացել Իրանի ժողովրդի մասնակցության մասշտաբից
Երբ 30 երկրի ներկայությունն ու 400 բլոգերների մասնակցությունը փոխեցին Արևմուտքի ներկայացրած պատկերը։
Իսլամական մշակույթի և հաղորդակցության կազմակերպության նախագահ Հոջաթ օլ-Իսլամ Իմանիփուրը «Թասնիմ» լրատվական գործակալությանը տված հարցազրույցում ասել է.
«Բարեբախտաբար, այս արարողությանը տարբեր մակարդակներով մասնակցեցին 30 հեղինակավոր և կարևոր երկրների ներկայացուցիչներ։ Այդ ներկայությունն իսկապես անակնկալի բերեց բազմաթիվ արտասահմանյան լրատվամիջոցների։ Այն աստիճան, որ նույնիսկ Թրամփը զարմացել էր օտարերկրյա պետությունների ղեկավարների և բարձրաստիճան պաշտոնյաների այսպիսի լայն մասնակցությունից։
Սակայն առավել կարևորն այն է, որ մենք պետք է այս արարողության ճշգրիտ և իրական պատկերը հասցնենք աշխարհին։ Ներկայումս Թեհրանում աշխատում են բազմաթիվ օտարերկրյա լրատվամիջոցներ, և դրանց կողքին տարբեր մեդիա հարթակներում այս իրադարձությունը լուսաբանում են նաև միջազգային բլոգերներն ու ինֆլուենսերները։
Գնահատականների համաձայն՝ Իրանում գտնվում են շուրջ 400 բլոգերներ տարբեր երկրներից, որոնք կարողացել են այս արարողության տեսանյութերն ու լուսանկարները ներկայացնել միջազգային հանրությանը։
Այս ամենը, ըստ էության, չեզոքացրեց արևմտյան լրատվամիջոցների տեղեկատվական արշավը, որը փորձում էր Իրանի հասարակության մասին այլ պատկեր ներկայացնել։ Ընդհակառակը, այն ցույց տվեց, որ Իրանի ժողովուրդը սգում է իր առաջնորդի ու սիրելի անձնավորության մահը, և որ այդ սերն ու հավատարմությունն իրական են ու խորապես արմատավորված։
Իմ կարծիքով, քանի դեռ չենք ժողովրդայնացնում տեղեկատվական հոսքը և լիարժեք չենք օգտագործում ժողովրդի ներուժը, հիմնական մեդիա հարթակները շարունակելու են մնալ այն ուժերի վերահսկողության տակ, որոնք ձգտում են լռեցնել մեզ կամ մեր մասին խեղաթյուրված պատկեր ներկայացնել։
Ամենակարևոր ձեռքբերումը, որ նահատակ իմամը պարգևեց Իրանի ժողովրդին, այն արժանապատվությունն էր, որը նա շնորհեց այս ազգին։ Այս սերն ու ներկայությունը պարզապես պահի զգացմունք չեն, այլ նրա իդեալների, ազգային արժանապատվության և հեղափոխական ինքնության հետ ժողովրդի խոր կապի արտահայտությունն են»:
