Կոբախիձեն Երևանում բանակցություններ է վարել Իրանի նախագահի հետ
Վրաստանի վարչապետ Իրակլի Կոբախիձեն Երևանում COP17-ի առաջնորդների գագաթնաժողովի շրջանակում հանդիպել է Իրանի նախագահ Մասուդ Փեզեշքյանի հետ։
Հանդիպման ընթացքում քննարկվել են երկու երկրի միջև հարաբերությունները։ Նշվել է զբոսաշրջության ոլորտում համագործակցության դրական դինամիկան։
«Բացի դրանից, կողմերն ուշադրություն են դարձրել տարածաշրջանում տիրող իրավիճակին։ Վրաստանի վարչապետը կրկին ընդգծել է երկխոսության և դիվանագիտական ջանքերի առանձնահատուկ կարևորությունը՝ լարվածության թուլացման և երկարաժամկետ խաղաղության ապահովման համար»,- ասված է հաղորդագրության մեջ։
Իրանի դեսպանատունն հայտնել է, որ կողմերը քննարկել են հարցերի լայն շրջանակ՝ կապված Թեհրանի և Թբիլիսիի միջև փոխշահավետ գործընկերության զարգացման հետ։
Առաջնորդների գագաթնաժողովը տեղի է ունեցել հոկտեմբերի 15-16-ին Երևանում՝ ՄԱԿ-ի Կենսաբանական բազմազանության մասին կոնվենցիայի կողմերի 17-րդ համաժողովի (COP17) հիմնական նստաշրջանից առաջ։
Թբիլիսին և Թեհրանը շարունակում են զարգացնել երկկողմ շփումները Իրանի դեմ միջազգային պատժամիջոցների և տարածաշրջանում պահպանվող լարվածության ֆոնին։
Վրաստանը Իրանի դեմ սեփական սահմանափակումներ չի կիրառել, սակայն միջազգային պատժամիջոցներն ազդում են երկրների միջև տնտեսական կապերի վրա։
