Տեղի է ունեցել նահատակ առաջնորդ Այաթոլլահ Սեյեդ Ալի Խամենեիի ոգեկոչման արարողությունը

Նահատակ առաջնորդ Այաթոլլահ Սեյեդ Ալի Խամենեիի ոգեկոչման արարողությունը սկսվել է Թեհրանի Իմամ Խոմեյնիի անվան մեծ Մոսալլա մզկիթում պետական ու զինվորական պաշտոնյաների և ժողովրդի տարբեր խավերի հազարավոր մարդկանց լայնածավալ ներկայությամբ:

Արարողությանը ներկա են եղել նաև նախագահ Մասուդ Փեզեշքիանը և մի շարք պաշտոնյաներ: Արարողությունը սկսվել է Սուրբ Ղուրանի մի քանի այաթների ընթերցմամբ և Իրանի Իսլամական Հանրապետության օրհներգի կատարմամբ, իսկ մասնակիցները, կրելով դրոշներ, պաստառներ և նահատակ առաջնորդի նկարներ, ընդգծել են հեղափոխության ուղու և իդեալների շարունակությունը:

Ըստ Pars Today-ի, արարողության ժամանակ Թեհրանի Մոսալլա մզկիթում հեղափոխական և սգո մթնոլորտ էր տիրում, իսկ «Մահ Ամերիկային» և «Մահ Իսրայելին» կարգախոսները արձագանքում էին մասնակիցների վրեժխնդրության բացականչությունների հետ մեկտեղ: Արարողության ընթացքում անդրադարձ է կատարվել նահատակ առաջնորդի անհատականությանը, քաղաքական ասպեկտներին ու մտքերին: