Փեզեշքիան. Իրանը աջակցում է պաղեստինցի առաջնորդների յուրաքանչյուր որոշմանը բանակցային գործընթացում
Իրանի նախագահը, ընդգծելով Թեհրանի աջակցությունը Պաղեստինի քաղաքական գործընթացին, հայտարարել է, որ Իրանի Իսլամական Հանրապետությունը կաջակցի բանակցությունների ընթացքում պաղեստինցի առաջնորդների կայացրած յուրաքանչյուր որոշմանը միջոցառմանը և նախաձեռնությանը։
Ըստ Pars Today-ի, Համասի քաղաքական բյուրոյի ղեկավար Խալիլ Ալ-Հայայի հետ հեռախոսազրույցում Մասուդ Փեզեշքիանը, անդրադառնալով Պաղեստինյան հարցի առանցքային նշանակությանը Իրանի Իսլամական Հանրապետության արտաքին քաղաքականության մեջ, ընդգծել է Թեհրանի շարունակական աջակցությունը պաղեստինյան ժողովրդին։
Փեզեշքիանը նաև կոչ է արել ամրապնդել իսլամական երկրների միասնությունն ու մերձեցումը՝ իսլամական ազգի շահերը պաշտպանելու համար, և ասել է, որ Իրանը կփորձի հիմք ստեղծել տարաձայնությունները նվազեցնելու և իսլամական աշխարհի համախմբվածությունը մեծացնելու համար՝ ընդլայնելով համագործակցությունը իսլամական երկրների հետ։
Այս զրույցի ընթացքում Խալիլ Ալ-Հայյան էլ անդրադարձել է քաղաքական բանակցությունների գործընթացին և հայտարարել, որ Համասը շարունակում է այդ բանակցությունները՝ այլ պաղեստինյան խմբավորումների հետ համակարգված, և կոչ է արել օգտագործել Իրանի Իսլամական Հանրապետության փորձը դիվանագիտական գործընթացում՝ Պաղեստինի ժողովրդի շահերը ապահովելու համար։