Ղարիբաբադի․ Բրիտանիայի և Ֆրանսիայի աջակցությունն Իսրայելի ռեժիմին հանցագործություններին գիտակցված մասնակցություն է
Իրանի արտաքին գործերի նախարարի իրավական և միջազգային հարցերով տեղակալ Քազեմ Ղարիբաբադին զգուշացրել է Իսրայելի ռեժիմին Մեծ Բրիտանիայի և Ֆրանսիայի շարունակական աջակցության հետևանքների մասին՝ այն որակելով որպես այդ ռեժիմի իրականացրած հանցագործություններին գիտակցված մասնակցություն։
Pars Today-ի փոխանցմամբ՝ IRIB-ն հաղորդում է, որ Ղարիբաբադին X_ում կատարած գրառման մեջ նշել է, որ բրիտանացի և ֆրանսիացի ավելի քան 100 փորձառու դիվանագետներ իրենց կառավարություններին նախազգուշացրել են, որ Իսրայելի ռեժիմի քաղաքականությունը գնում է դեպի «էթնիկ զտում» և «Պաղեստինի վերացում»։
Նրա խոսքով՝ դիվանագետները Լոնդոնին և Փարիզին կոչ են արել գործնական քայլեր ձեռնարկել՝ դադարեցնելու զենքի մատակարարումները, արգելելու առևտուրը իսրայելական բնակավայրերի հետ և իրականացնելու Հաագայի դատարանների որոշումները։
Ղարիբաբադին ընդգծել է, որ Լոնդոնը և Փարիզը չպետք է այս իրավիճակի վերաբերյալ պարզապես «մտահոգություն հայտնելու» ձևակերպման հետևում թաքնվեն։«Զենքի մատակարարումների շարունակումը և ռեժիմին ցանկացած տեսակի աջակցությունը Իսրայելի ռեժիմի կողմից իրականացվող հանցագործություններին համագործակցելու և մասնակցելու գիտակցված ընտրություն է»,— հայտարարել է Իրանի ԱԳ նախարարի տեղակալը։