Գեներալ Թալեյնիկ․ Իրանի զինված ուժերը ճգնաժամերը հաղթահարելու մեծ փորձ ունեն
Իրանի պաշտպանության և զինված ուժերի աջակցության նախարարության խոսնակն ասել է, որ Իրանի ժողովուրդն ու զինված ուժերը թշնամու ռազմական ագրեսիային դիմակայելու և ճգնաժամերը հաղթահարելու մեծ փորձ ունեն։
Ինչպես հաղորդում է Pars Today-ը՝ հղում անելով IRIB-ին, Իրանի պաշտպանության և զինված ուժերի աջակցության նախարարության խոսնակ, բրիգադի գեներալ Ռեզա Թալեյնիկը նշել է, որ վերջին տասնամյակների ընթացքում թշնամին Իրանի Իսլամական Հանրապետության նկատմամբ հետապնդել է հստակ նպատակներ։
Նրա խոսքով՝ ազգային և իսլամական ինքնությունը, երկրի գոյությունն ու տարածքային ամբողջականությունը, երկրի առաջընթացն ու անվտանգությունը չորս հիմնական ոլորտներն են, որոնք մշտապես եղել են թշնամու ռազմավարությունների ուշադրության կենտրոնում և սերտորեն փոխկապակցված են։
Կարևորելով ինքնության հարցը՝ Թալեյնիկը նշել է, որ թշնամու գլխավոր նպատակներից մեկը ինքնության խեղաթյուրումն ու ազգային և իսլամական ինքնության թուլացումն է։ Նրա խոսքով՝ Իրանի առաջընթացը ևս թշնամու թիրախներից է, որի ընթացքը տարբեր ճնշումների միջոցով փորձ է արվել դանդաղեցնել կամ խաթարել։
Անդրադառնալով ռազմական սպառնալիքներին դիմակայելու երկրի փորձին՝ նա ընդգծել է, որ Իրանի ժողովուրդն ու զինված ուժերը թշնամու ռազմական ագրեսիային դիմակայելու, կանգուն մնալու և ճգնաժամերը հաղթահարելու մեծ փորձ ու ներուժ ունեն։