Փեզեշքիան․ ժողովրդի միասնությունը Իրանի ամուր պատվարն է արտաքին սպառնալիքների դեմ
ԻԻՀ նախագահ Մասուդ Փեզեշքիանը, ընդգծելով ազգային միասնության դերը երկրի զսպման կարողության ամրապնդման գործում, հայտարարել է․ «Իրանի պաշտպանությունը չի սահմանափակվում միայն հրթիռներով և ռազմական տեխնիկայով։ Ժողովուրդն ու ազգային համախմբվածությունը երկրի պաշտպանական հզորության հիմնական հենարանն են, և ոչ մի ուժ չի կարող խաթարել Իրանի հզորությունը, քանի դեռ այս համերաշխությունը պահպանվում է»։
Pars Today-ի հաղորդմամբ՝ հոկտեմբերի 18_ին Իրանի ԶՈՒ պաշտպանության և աջակցության նախարարի թեկնածուի լիազորությունների քննարկման նիստում ունեցած առցանց ելույթում երախտագիտություն է հայտնել զինված ուժերին՝ երկրի պաշտպանության գործում ցուցաբերած անձնազոհության և նվիրվածության համար։ Նա նշել է, որ նրանց դիմադրելու կարողությունը հիացրել է տարածաշրջանի և աշխարհի երկրներին։
Անդրադառնալով Իրանի պաշտպանական ձեռքբերումներին՝ նախագահն ընդգծել է, որ իրանցի գիտնականների և մասնագետների, այդ թվում՝ նահատակներ Թեհրանի-Մողադդամի և Ֆախրիզադեի ջանքերը կարևոր դեր են ունեցել Իրանի ռազմական կարողությունների և զսպման ներուժի բարձրացման գործում։
Նա հավռլել է, որ այդ ներուժը դժվարացնում է օտարերկրյա ուժերի կողմից երկրի վրա հարձակումը։
Փեզեշքիանը հարգանքի տուրք է մատուցել պատերազմի զոհերի և զինված ուժերի նահատակների հիշատակին, ընդգծելով արտաքին սպառնալիքներին դիմակայելու համար հասարակական համերաշխության պահպանման և ներքին կարողությունների ամրապնդման անհրաժեշտությունը։