ԻՀՊԿ-ի գլխավոր հրամանատարը շնորհավորել է Իրանի պաշտպանության նոր նախարարի նշանակումը
Իսլամական հեղափոխության պահապանների կորպուսի գլխավոր հրամանատարը շնորհավորել է Մեհրդադ Ախլաղիին՝ Պաշտպանության և զինված ուժերի աջակցության նախարարի պաշտոնում նշանակվելու կապակցությամբ՝ ընդգծելով Իրանի ռազմավարական պաշտպանական կարողությունների ամրապնդման և ԻՀՊԿ-ի ու Պաշտպանության նախարարության միջև համագործակցության ընդլայնման անհրաժեշտությունը։
Ըստ «Pars Today»-ի՝ գեներալ-մայոր Ահմադ Վահիդին իր շնորհավորական ուղերձում խորհրդարանի կողմից պաշտպանության նոր նախարարին տրված վստահության վճռական քվեն որակել է որպես նրա իրավասության և կարողությունների վկայություն։ Նա նաև շեշտել է երկրի պաշտպանական ներուժի հզորացմանն ուղղված ընթացքը շարունակելու անհրաժեշտությունը։
Իրանի խորհրդարանը հավանություն է տվել երկրի պաշտպանության նախարարի պաշտոնում Մեհրդադ Էհլակիի թեկնածությանը, հաղորդում են իրանական ԶԼՄ-ները:
Նշվում է, որ Էհլակիի օգտին քվեարկել է 237 պատգամավոր, դեմ՝ 15, ձեռնպահ չի եղել:
Մարտի 2-ին պաշտպանության նախարարի պաշտոնակատար է դարձել Մաջիդ Իբն ալ-Ռեզան:
Կարևորելով զինված ուժերի, պաշտպանական արդյունաբերության, փորձագետների և գիտելիքահենք ընկերությունների միջև փոխգործակցությունը՝ նա հաստատել է ԻՀՊԿ-ի պատրաստակամությունը՝ խորացնելու ռազմավարական համագործակցությունը Պաշտպանության նախարարության հետ, հատկապես՝ թշնամու հիբրիդային սպառնալիքներին հակազդելու հարցում։