Իրանը թույլ չի տա ոտնահարել Համատեղ ակտի ծրագիրը
Շաբաթ օրը Իրանի Համակարգի նպատակահարմարությունը բնորոշող ժողովի ռազմավարական հետազոտությունների կենտրոնի տնօրենն անդրադարձել է հակաիրանական շրջափակումների երկարաձգմանը: «Շրջափակումներն ինչ անվան տակ էլ որ հաստատվեն, վավերացվեն կամ երկարաձգվեն, համարվելու են Համատեղ ակտի ծրագրի ոտնահարում»:
Վելայաթին նշել է, որ Իրանը թույլ չի տա ոտնահարել Համատեղ ակտի ծրագիրը: «Միջուկային հարցերում ԻԻՀ ձեռքերը փակված չեն և Թեհրանը միջազգային օրենքների շրջանակներում կշարունակի իր խաղաղանպատակ աշխատանքները»:
«ԱՄՆ-ի Կոնգրեսում վավերացված նախագիծը նպատակ ունի մխիթարել տարածաշրջանում ԱՄՆ-ի բարեկամներին ու նրանց ձախողած վարձկաններին»,-ասել է նա:
Վելայաթին ահաբեկչության հանդեպ Իրանի հովանավորության կապակցությամբ ԱՄՆ-ի ու նրա տարածաշրջանային դաշնակիցների հայտարարությունն անհիմն է համարել: «Արևմուտքը Հեզբոլլահին ահաբեկչական գործունեության մեջ է մեղադրում, այն դեպքում, երբ այդ շարժումն այսօր իր ամբողջ ջանքն ի գործ է դրել Լիբանանի տարածքային ամբողջականությունը սիոնիստների ոտնձգություններից պահպանելու և Սիրիայի բռնահարված ժողովրդին արևմուտքի կողմից հովանավորվող ԻԼԻՊ-ի, Ալ-Նուրայի ճակատի ու Ալ-Ղաիդայի ահաբեկիչների դիմաց պաշտպանելու ուղղությամբ». ասել է նա:
